ގައުމެއްގެ ތަރައްގީގައި އަރޓިސްޓުންގެ ހިޔާލުތަކަކީ ވަރަށް މުހިއްމު އެއްޗެއްކަމުގައި މިނިސްޓަރ އޮފް ހެރިޓޭޖް އާޓްސް ކަލްޗަރ އެންޑް ޔުމުނާ މައުމޫން ވިދާޅުވެއްޖެއެވެ.
އެކަމަނާ މިހެން ވިދާޅުވީ "އަންވެއިލިންގ ވިޝަންސް" އަރޓް އެގްޒިބިޝަން ހުޅުވުމުގެ ރަސްމިއްޔާތުގައި ހޮނިހިރު ދުވަހުގެރޭ ވާހަކަފުޅުދައްކަވަމުންނެވެ. އިތުރަށް އެކަމަނާ ވިދާޅުވީ އަރޓިސްޓުންނަށް އެބޭފުޅުންގެ ހިޔާލުތަށް ބިނާކުރަނިވި ގޮތެއްގައި ފާޅުކުރުމަށް އިތުރު ފުރުސަތުތަށް ހޯދާދިނުމަށް މަސަކަތްކުރަންޖެހޭ ކަމަށާއި އަދި ތައުލީމީ ދާއިރާގައި ކުދިންގެ ހުންނަ މިފަދަ ހުނަރުވެރިކަން ކުރިއެރުވުމަށް އިތުރު މަސައްކަތްތަކެއް ކުރަންޖެހޭކަމަށެވެ.
ހާއްސަކޮށް ފަންނުވެރިކަމުގެ ދާއިރާގައި ޒުވާނުންގެ ހިއްސާ ވަރަށް ބޮޑުކަމަށާއި އެހެންކަމުން ޔޫތު މިނިސްޓްރީއާއި ގުޅިގެން ކުރަންހުރި މަސައްކަތްތައް ވަރަށް ގިނަކަމުގައި މިނިސްޓަރ ވިދާޅުވި އެވެ. އަދި އަބަދުވެސް މިފަދަ ކަންކަމުގައި ޔޫތު މިނިސްޓަރގެ ފަރާތުން ލިބޭ އެއްބާރުލުން ފާހަގަކުރައްވާ މިނިސްޓަރ އަށް ވަނީ ވަރަށް ބޮޑަށް ޝުކުރު އަދާކުރައްވާފައެވެ.
ފަންނުވެރިކަމުގެ ދާއިރާ ކުރިއެރުވުމަކީ މި ސަރުކާރުގެ އަމާޒެއް ކަމުގައިވެސް މިނިސްޓަރ ވިދާޅުވިއެވެ. އަދި މިނިސްޓަރ ވިދާޅުވީ މޯލްޑިވިއަން އަރޓިސްޓް ކޮމިއުނިޓީން ފާހަގަކުރި ކަންކަން ކަމުގައިވާ ރަނގަޅު ނޭޝަނަލް އާރޓް ގެލެރީއެއް ހުންނަންޖެހޭ ކަމަށް ގަބޫލުކުރައްވާ ކަމަށާއި އަދި މަސައްކަތް ކުރަނީ އެކަން ހާސިލްކުރަންކަމަށެވެ.
"އަންވެއިލިންގ ވިޝަންސް" އާރޓް އެގްޒިބިޝަންގައި 55 ވިޝުއަލް އާރޓިސްޓުންގެ ހުނަރުވެރިކަން ފެނިގެން ދެއެވެ. މި އެގްޒިބިޝަން ރަސްމީކޮށް ހުޅުއްވާދެއްވީ އެޑިއުކޭޝަން މިނިސްޓަރ އައިޝަތު އަލީއެވެ.
