އަލިފާނުގެ ހާދިސާ ހިނގާފައި ވަނީ ޖެހިގެން ހުރި ގޭގެ ވެލްޑިންގް މަސައްކަތް ކުރަނިކޮށް ކަމަށް މޯލްޑިވްސް ޕޮލިސް ސާރިވިސް އިން ބުނެފިއެެވެ.
ފުލުހުން ބުނެފައިވަނީ ހޮނިހިރު ދުވަހު މެންދުރުގެ ވަގުތުގައި ހ. ޓެންސްޓާރގައި ހިނގި އަލިފާނުގެ ހާދިސާ ހިނގާފައިވަނީ ޖެހިގެން ހުރި ގޭގެ ވެލްޑިންގް ގެ މަސައްކަތް ކުރަމުންދަނިކޮށް އަލިފާން ކޮޅެއް ބުރައިގެން ގޮސް ގޮދަޑިއެއްގައި ރޯވެގެން ކަމަށް ބެލެވޭ ކަމަށެވެ.
އަލިފާނުގެ ހާދިސާގައި ގެއްލުން ލިބިފައިވާ ތަކެތީގެ ތެރޭގައި:
- 9000 ބީޓީޔޫ އޭސީ ހިޓާޗީ
- އެކްސަރސައިޒް ކުރާ ބައިސްކަލެއް
- ކުޑަ ކުއްޖެއްގެ ބައިސްކަލް
- ފިޝް ޓޭންކް
- ޕްލާސްޓިކް ބޭގް
- މެޓްރެސް
- ލަކުޑި ކަބަޑެއް
- ފުޓްބޯޅަ ބޫޓެއް
- ޖޮގިންގް ބޫޓު
- ޓެރަހަށް ވަންނަަ ދޮރު
މި ހާދިސާގައި މި ތަކެއްޗަށް އެކި ވަރުގެ ގެއްލުން ލިބިފައިވާ ކަމަށް ވެސް ފުލުހުން ބުނެފައިވެއެވެ.
އަލިފާން ރޯވި ހާދިސާ ފަޔަރ އެންޑް ރެސްކިއު އަށް ރިޕޯޓު ކޮށްފައިވަނީ ގަޑިން 11:11 ގައެވެ. ރިޕޯޓު ކުރިތާ މާގިނަ އިރުތަކެއްނުވެ އެ ސަރަހައްދަށް ގޮސް އަލިފާން ކޮންޓްރޯލް ކޮށްފައިވާކަމަށް ފުލުހުންގެ މީޑިއާ އޮފިޝަލް ވަނީ މައުލޫމާތު ދެއްވާފައެވެ. ގެއްލުންވީ ފަރާތްތައް ތިބެން ގަސްދުކޮށްފައިވަނީ ތިމާގެ މީހުންގެ ގެތަކުގައި ކަމަށާއި އެއްވެސް ފަރާތަކަށް މި ހާދިސާގައި އަނިޔާވެފައި ނުވާކަމަށް ވެސް ގޭގެ ވެރި ފަރާތުން ވަނީ މައުލޫމާތު ދީފައެވެ.
