ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ރަސްމީ ދަތުރުފުޅެއްގައި ހއ. އިހަވަންދޫއަށް ފުރާވަޑައިގެންފިއެވެ.
ރައީސް ނަޝީދާއި އެކު މި ދަތުރުފުޅުގައި އިހަވަންދޫ ދާއިރާގެ މެމްބަރު މުހައްމަދު ޝިފާއު ބައިވެރިވެވަޑައިގަންނަވައެވެ. މީގެ އިތުރުން މަޖިލިސްގައި ހއ ދާއިރާ ތަމްސީލް ކުރައްވާ މެމްބަރުން ކަމުގައިވާ ބާރަށު ދާއިރާގެ މެމްބަރު އަހްމަދު އަބްދުﷲ އާއި މަކުނުދޫ ދާއިރާގެ މެމްބަރު މުހައްމަދު ރާއީވެސް، ބައިވެރިވެވަޑައިގަންނަވައެވެ.
19 ވަނަ މަޖިލިސް އަކީ ރައްޔިތުން އެދޭ ގޮތަށް ކުރިއަށް ގެންދެވޭ މަޖިލީހަކަށް ހެއްދެވުމަށްޓަކައި، މަޖިލިސް ރައީސްގެ ހައިސިއްޔަތުން ރައީސް ނަޝީދު ގެންދަވަނީ ގިނަ މަސައްކަތްތައް ކުރައްވަމުންނެވެ.
