ކުރީގެ ރައީސް އަބްދުﷲ ޔާމީން އަބްދުލް ޤައްޔޫމްގެ މައްޗަށް ކޮށްފައިވާ މަނީ ލޯންޑަރިންގެ ދައުވާގެ ޝަރީއަތަށް އެމަނިކުފާނު ކްރިމިނަލް ކޯޓަށް ވަޑައިގެންފިއެވެ.
ރައީސް ޔާމީން ކޯޓަށް ވަޑައިގަތީ މީގެ ކުޑަ އިރުކޮޅެއް ކުރިންނެވެ. އެމަނިކުފާނުގެ ޝަރިޔަތް ފެށުމަށް ކުރިން ހަމަޖެހިފައި ވަނީ 12:45 ގައެވެ. އެހެން ނަމަވެސް އަދި ޝަރިޔަތް ފަށާފައެއް ނުވެއެވެ. މި ޝަރިޔަތް ލައިވް ކުރަން ވަނީ ހަމަޖެހިފައެވެ.
Advertisement
އެޕްރީލް މަހުގެ 25 ވަނަ ދުވަހު ބޭއްވި އިބްތިދާއީ އަޑުއެހުންތަކުގެ ޝަރީއަތުގައި ރައީސް ޔާމީންގެ ފަރާތުން ހުށައަޅަންޖެހޭ ހުށައެޅުންތަކަށް 10 ދުވަސް ދިނުމަށް އެމަނިކުފާނުގެ ވަކީލުން އެދުމުން އެ 10 ދުވަސް ދީފައިވެއެވެ. އެ ހުށައެޅުންތައް ޔާމީންގެ ފަރާތުން ހުށައެޅުމުން އޭގެ ރައްދެއްގެ ގޮތުގައި ދައުލަތުން ވެސް ވަނީ ލިޔުންތަކެއް ހުށައަޅާފައެވެ.
