ޖުމްހޫރީ މައިދާނާއި ސަލްޓަންޕާކުގައި ހުރި ފައުންޓަނާ އާއި ޕަމްޕްތައް ބަލަހައްޓާނެ ފަރާތެއް ހޯދުމަށް މާލޭ ސިޓީ ކައުންސިލުން އިއުލާނު ކޮށްފިއެވެ.

އަންގާރަ ދުވަހު ސިޓީ ކައުންސިލުން ކުރި އިއުލާނެއްގައި ބުނީ، ޖުމްހޫރީ މައިދާން އަދި ސަލްޓަންޕާކުގައި ހުރި ފައުންޓަނާ އާއި ޕަމްޕްތައް ބެލެހެއްޓުމާއި މަރާމާތުތައް އަމިއްލަ ތަކެތީގައި ކޮށްދޭނެ ފަރާތެއް ހޯދަން ބޭނުންވާ ކަމަށާއި، ޝަޢުގުވެރިވެލައްވާ ފަރާތްތަކުން މަޢުލޫމާތު ސާފުކުރެއްވުމަށާއި، އަގުހުށަހެޅުއްވުމުގެ ފުރުސަތު ހުޅުވާލާފައިވާ ކަމަށެވެ.

މަރާމާތު ކުރުމަށް ހުޅުވާލާފައިވާ ތަންތަން:

އެގޮތުން މި މަސައްކަތަށް މައުލޫމާތު ސާފު ކުރުން އޮންނާނީ އަންނަ ބުރާސްފަތި ދުވަހު 13:30 ގައި މާލޭ ސިޓީ ކައުންސިލް އިދާރާގެ އާންމު ޚިދުމަތްތަކާބެހޭ ބައިގައި ކަމަށާއި، 25 ޖުލައި 2019 ގައި އަގު ހުށައެޅުން އޮންނާނެ ކަމަށް ސިޓީ ކައުންސިލުން ބުނެފައިވެއެވެ.

ސިޓީ ކައުންސިލުން ބުނީ، އެގަޑިތަކުގައި މަޢުލޫމާތު ސާފުކުރަން ވަޑައިނުގަންނަވާ ފަރާތްތަކާއި، ގަޑިޖެހުމުގެ ފަހުން ބިޑް ހުށަހަޅަން ހާޒިރުވާ ފަރާތްތަކުގެ ބިޑް ބަލައި ނުގަނެވޭނެ ކަމަށާއި، މައުލޫމާތު ސާފުކުރަން ވަޑައިގަންނަވާ ފަރާތްތަކުން ދިވެހިރައްޔިތެއްކަން އަންގައިދޭ ކާޑް ގެންނަވަން ޖެހޭނެ ކަމަށެވެ.