އަންގާރަ ދުވަހުގެ ރޭ ދަންވަރު ހަނދުކޭތަ ހިފާނެއެވެ.

މި ހަނދުކޭތަ ހިފަން ފަށާނީ ރާއްޖޭ ގަޑިން 23:43 ގައެވެ. ކޭތަ ވީއްލާ ނިމޭނީ ފަތިހު 5:17 ގައެވެ.

މިއީ ފަސް ގަޑިއިރާއި 34 މިނެޓަށް ދެމިގެންދާނެ ކޭތަ އެކެވެ.

ފުރިހަމަ ހަނދު ކޭތަ ފެންނަން ފަށާނީ 1:01 ގައެވެ. ފުރިހަމަ ހަނދުކޭތައެއް ފެންނާނީ މެންދަމު 2:30 ގައެވެ. ކޭތަ ވީއްލަން ފަށާނީ 3:59 ގައެވެ.

ހަނދުގެ ދެބައި ކުޅަ އެއްބަޔަށް ވުރެ ބޮޑަށް ކޭތަ ހިފާފައި ހުންނާނެއެވެ.

މި ދުވަސްވަރަކީ ވިއްސާރަ ދުވަސް ވަރަކަށް ވުމުން ކޭތަ ހިފާ ގަޑީގައި ވިލާ ބޯ ނޫން ނަމަ މި ކޭތަ ރާއްޖެއަށް ފެންނާނެ ކަމަށް މެޓް އޮފީހުން މައުލޫމާތު ދެއެވެ.