ޑްރަގް ކޯޓުގެ ގާޒީ މަހާޒު އަލީ ޒާހިރުއާ ބެހޭ ގޮތުން ޖޭއެސްސީ އަށް ހުށައެޅިފައިވާ މައްސަލަ ސާބިތުވާ ކަމަށް އެ ކޮމިޝަނުން ނިންމުމާއި ގުޅިގެން އަލުން އެ މައްސަލަ ރިވިއު ކުރުމަށް ކޮމެޓީއަކަށް ފޮނުވައިފި އެވެ.
ހޯމަ ދުވަހު ޖޭއެސްސީން ނެރެފައިވާ ބަޔާނެއްގައި ބުނީ މަހާޒުއާ ބޭހެ ގޮތުން ކޮމިޝަނަށް ހުށައެޅިފައިވާ ސުލޫކީ މައްސަލައެއް ސާބިތުވާ ކަމަށް 2015 ވަނަ އަހަރުގެ އޮކްޓޫބަރު މަހުގެ 21 ނިންމާފައިވާކަމަށެވެ. އަދި އެ މައްސަލަ ރިވިއުކޮށްދިނުމަށް އޭނާ ހުށަހަޅާފައިވުމުން އެ މައްސަލަ ކޮމެޓީއަކަށް ފޮނުވާފައިވާ ކަމަށް ޖޭއެސްސީން ބުންޏެވެ.
ޖޭއެސްސީގެ 45 ވަނަ ބައްދަލުވުމުގައި އެ މައްސަލަ ބަލަން ކޮމިޓީއެއް ވަނީ އެކުލަވައިލާފައެވެ. އެ ކޮމިޓީގައި ހިމެނި ވަޑައިގަންނަވަނީ މެމްބަރު މަސްތޫރު ހުސްނީ، ކުރީގެ ރައީސް މުހައްމަދު ނަޝީދު، މެމްބަރު ހިސާން ހުސައިން އަދި ޑރ. އަލީ ޝަމީމްގެ އިތުރުން ބަންޑާރަ ނައިބް އިބްރާހިމް ރިއްފަތުއެވެ.
މީގެ ކުރިން ޖޭއެސްސީ އަށް ހުށައެޅިފައިވާ މަހާޒުގެ ސުލޫކީ މައްސަލަ އަކީ ޕީޖީއާއި ޑެޕިއުޓީ ޕީޖީ ނެތް ހާލަތެއްގައި ޖިނާއި ދައުވާ ކުރިޔަށް ނުގެންދެވޭނެ ކަމަށް އޭނާގެ ބްލޮގް ގައި ލިޔުނު ލިޔުމެއްގެ މައްސަލައެވެ.
އެ ލިޔުމާއި ގުޅިގެން އޭނާ ޖޭއެސްސީ އަށް ހާޒިރުކޮށް އިންޒާރު ދީފައިވެއެވެ. މަހާޒުގެބްލޮގްގައިއޭނާ ވިދާޅުވެފައިވަނީ، ގާނޫނާ ހިލާފު ކަމެއް ނުވަތަ ފަނޑިޔާރުންގެ ސުލުކީ މިންގަނޑާ ހިލާފު އެއްވެސް އަމަލެއް ކުރައްވާފައިނުވާނެ ކަމަށެވެ.
