އުތުރު ކޮރެއާއިން ފޮނުވާލާ މިސައިލްތަަކަކީ "ނުރައްކާތެރި މިސައިލްތަަކަކަށް ނުވާ ނަމަ" ހަމަލާދީ ވައްޓާ ނުލާނެ ކަަމަށް އެމެރިކާއިން ބުނެފިއެވެ.
އެމެރިކާގެ ޑިފެންސް ސެކްރެޓަރީ އޭޝް ކާޓާރ ވިދާޅުވީ ނުރައްކާ ކަމަށް ނުބެލެވޭ މިސައިލްތައް ވައްޓާލުމުގެ ބަދަލުގައި އެމެރިކާއިން މަސައްކަތްކުރާނީ މިސައިލް ދަތުރުކުރާ ގޮތަށް ބަލާ އިންޓެލިޖެންސް ހޯދުމަށް ކަމަށެވެ.
އެމެރިކާގެ ޑިފެންސް ސެކްރެޓަރީ މިމޭރުމުން ވާހަކަފުުޅުދެއްކެވިީ، ރައީސް ކަަމަށް އިންތިޚާބުވެވަޑައިގެންފައިވާ ޑޮނަލްޑް ޓްރަމްޕް އުތުރު ކޮރެއާ ގުޅޭ ގޮތުން ކުރެއްވި ޓްވީޓަށް ފަހުއެވެ. ޓްރަަމްޕް ކުރެއްވި ޓްވީޓްގައި ވިދާޅުވެފައި ވަނީ އެމެރިކާއާ ހަމަޔަށް ފޯރާނެ މިސައިލެއް އުތުރު ކޮރެއާ އަށް ނުއުފެއްދޭނެ ކަމަށެވެ.
އުތުރު ކޮރެއާ އިން ދޭތެރެދޭރެއިން އަބަދުވެސް މިސައިލް ޓެސްޓްތަށް ދަނީ ކުރަމުންނެވެ.
