ސިއްހީ ދާއިރާ ތަރައްގީ ކުރުމަށް ވޯލްޑް ބޭންކު ގުރޫޕުން 150 މިލިއަން ޑޮލަރުގެ އެހީ ސްރީލަންކާ އަށް ދިނުމަށް އެއްބަސްވުމެއްގައި ސޮއިކޮށްފި އެވެ.

ލަންކާގެ ލޯކަލް މީޑިއާ ރިޕޯޓުތައް ބުނާ ގޮތުގައި ވޯލްޑް ބޭންކް ގްރޫޕްގެ އިންޓަނޭޝަނަލް ޑިވެލޮޕްމަންޓް އެސޯސިއޭޝަން (އައިޑީއޭ) އިން ހަމަޖައްސައިދިން މި ފައިސާ ބޭނުން ކުރާނީ ގައުމުގެ ހުރިހާ ސަރަހައްދެއްގައި ޕްރައިމަރީ ހެލްތު ކެއާ ނިޒާމު ކުރިއެރުވުމަށެވެ.

2024 ން 2028 އަށް ހުރިހާ ޑިސްޓްރިކްޓްތަކުގައި ތަންފީޒުކުރުމަށް ހަމަޖެހިފައިވާ މި ޕްރޮޖެކްޓުގެ މައިގަނޑު ފޯކަސްތައް ކަމުގައިވަނީ ގައިން ގަޔަށް ނާރާ ބަލިތައް މެނޭޖު ކުރުމާއި، ދުވަސްވީ މީހުންނަށް ދޭ ފަރުވާގެ ޚިދުމަތް ރަނގަޅު ކުރުމާއި، ކޮމިއުނިޓީ ލެވެލްގެ ހިދުމަތްތައް ވަރުގަދަކުރުމެވެ.