މި އަހަރުގެ ޙައްޖު މޫސުމުގައި ޙައްޖަށް ހުރަސްއެޅޭ ނުވަތަ ހައްޖުވެރިންގެ ސަލާމަތާއި ރައްކާތެރިކަމަށް އަސަރުކުރާ އެއްވެސް ކަމެއް ދިމާވެފައި ނުވާ ކަމަށް ސައުދީ އަރަބިއްޔާގެ ދާޚިލީ ވަޒީރު އަމީރު ޢަބްދުލްޢަޒީޒު ބިން ސަޢޫދު ބިން ނާއިފް ވިދާޅުވެއްޖެ އެވެ.

އޭނާ އިތުރަށް ވިދާޅުވީ "އެއްވެސް ބަލިމަޑުކަމެއް ނުވަތަ ކަރަންޓީނު ކުރަންޖެހޭ ޙާލަތެއްވެސް ރިކޯޑުކުރެވިފައެއް ނުވެއެވެ. ހައްޖުވެރިންނަށް ފޯރުކޮށްދީފައިވާ ރައްކާތެރިކަމުގެ ޚިދުމަތާއި ޞިއްޙީ ޚިދުމަތްތަކުގެ ސަބަބުން ބަލިވުމާއި، ހޫނުގަދަވުމާއި، މީހުން މަރުވުމުގެ ނިސްބަތް ދަށްވެފައިވެއެވެ."

ސައުދީ ރަސްމީ އިދާރާތަކުން ހާމަ ކޮށްފައިވާ ގޮތުގައި މި އަހަރު ޖުމްލަ 1,673,230 މީހުން ހައްޖަށް ގޮސްފައިވެއެވެ.