ކ. މާލެ
|
4 އޭޕްރިލް 2025 | ހުކުރު 11:04
ހިމަންދޫ ލޯންޗެއްގައި އަލިފާން ރޯވެ އަނދަނީ
ހިމަންދޫ ލޯންޗެއްގައި އަލިފާން ރޯވެ އަނދަނީ
ރާއްޖެއެމްވީ
ލޯންޗެއްގައި އަލިފާން ރޯވުން
ހިމަންދޫގައި ބަނދަރުގައި އޮތް ލޯންޗެއްގައި ރޯވެ، އަޑިއަށް ހިނގައްޖެ
ލޯންޗުގައި ކެޕްޓަންއާއި، ދެ ކްރޫއިން އަދި ކުޑަ ކުއްޖެއް ހުރި، އެއްވެސް މީހަކަށް ބޮޑު އަނިޔާއެއް ނުލިބޭ
އަލިފާން ނިއްވާލާފައިވަނީ ހުކުރު ދުވަހުގެ ހެނދުނު 6:26 ހާއިރު
މި ހާދިސާ ފުލުހުން ގެންދަނީ ތަހުގީގު ކުރަމުން

އއ.ހިމަންދޫގައި ބަނދަރުގައި އޮތް ލޯންޗެއްގައި ރޯވެ، އަޑިއަށް ހިނގައްޖެއެވެ.

ހުކުރު ދުވަހު ފުލުހުން ބުނީ ހިމަންދޫ ބަނދަރުގައި އޮތް ކައެލް ވިންގު ނަމަކަށް ކިޔާ ލޯންޗެއްގައި އަލިފާން ރޯވެފައިވާ މައްސަލަ ހުކުރު ދުވަހުގެ ހެނދުނު 5:50 ހާއިރު ރިޕޯޓުކޮށްފައިވާ ކަމަށެވެ. 

ލޯންޗުގައި ރޯވެފައިވާ އަލިފާން ނިއްވާލާފައިވަނީ ފުލުހުންނާ ރަށު ކައުންސިލްއާއި އާއްމުން ގުޅިގެން ކުރި މަސައްކަތުން 6:26 ހާއިރު ކަމަށް ފުލުހުން ބުނެއެވެ.

މީގެ އިތުރުން ފުލުހުން ބުނީ މި ހާދިސާ ހިނގިއިރު ލޯންޗުގައި ކެޕްޓަންއާއި، ދެ ކްރޫއިން އަދި ކުޑަ ކުއްޖެއް ހުރި ކަމަށެވެ. އަދި ކްރޫއިންނަށް ކޮންމެވެސް ވަރަކަށް އަނިޔާވި ނަމަވެސް ބޮޑު އަނިޔާއެއް ލިބިފައިނުވާ ކަމަށް ފުލުހުން ބުނެއެވެ.

ފުލުހުން ބުނީ އަލިފާން ރޯވި ލޯންޗު ބޭނުން ނުކުރެވޭ ވަރަށް އަނދާފައިވާ ކަމަށެވެ. އަދި ފަޅުތެރެއަށް އަޑިއަށް ގޮސްފައިވާ ކަމަށެވެ.

މި ހާދިސާ ފުލުހުން ގެންދަނީ ތަހުގީގު ކުރަމުންނެވެ.

- ކޮމެންޓް