ފުރަތަމަ ކަމަކަށް ދަންނަވާލަން ބޭނުންވަނީ ވައިކަރަދޫ ދާއިރާގެ އިއްޒަތްތެރި މެންބަރު ވާހަކަ ވަކި ހިސާބަކަށް ދިޔާމަ ރިޔާސަތުން އޮންނާނީ އެވާހަކަ ނުދައްކަން އިލްތިމާސް ކޮށްދަންނަވާފައި. އެވާހަކަ އަޅުގަނޑު ދެންނެވިން. މިހާރު ތި ވާހަކަފުޅު ދައްކަވަނީ ރިޕޯޓަކަށް ނޫނޭ. ރިޕޯޓަށް ވާހަކަފުޅު ދައްކަވާށޭ. ދެން ޕީއެންސީއަށް މެންބަރުން ވެއްދުމާއި ނުވެއްދުމުގެ ވާހަކަ މިތާގައި ނުވެއް ދެއްކޭނެ. އެއީ ޕާޓީގެ ޖަލްސާއެއް ނޫން ބާއްވައިގެން މިއުޅެނީއެއް. ރައްޔިތުންގެ މަޖިލިސް ހިނގަމުން މިދަނީ. އެހެންވީމަ ރައްޔިތުންގެ މަޖިލީހުގައި މިހާރު ބަހުސް ކުރެވެމުންދާ ރިޕޯޓަށް ވާހަކަފުޅު ދެއްކެވުމަށް ބާކީ ވަގުތު ފުރުސަތު އަރުވަން.

ރައްޔިތުން މަޖިލީހުގެ ރައީސް އަބްދުއްރަހީމް އަބްދުﷲ

މިނިވަން މުއައްސަސާއަކަށް މީހަކު އައްޔަންކުރާއިރު އަޅުގަނޑުމެންނަށް އެމިވަންކަމާއި އެޖާގަ ގާނޫނުގައި އެބައޮތްތޯ ނެތްތޯ ބަލަން އެބަޖެހޭ. މިއަދު ހިނގައިގެން އުޅޭ މައްސަލާގައި ވެސް އިލެކްޝަން ކޮމިޝަނުން އަދިވެސް ބަހެއް ނުބުނޭ. ވިދާޅުވާހާ އެއްޗަކީ ހުރިހާ ޕާޓީއަކުން ވެސް އެކަން ކުރޭ. މިމައްސަލައެއް ނުބެލޭނެ. ފުލުހުން ވެސް ނުބަލަން އެނިންމީ. ބައެއްގެ ޒާތީ މައުލޫމާތެއް ވަގަށް ނަގައިގެން މިއުޅެނީ އިއްޒަތްތެރި ރައީސް. މި ވަގަށް މިނަގަނީ ވައްކަންތައް ބެލުމަށް ހަވާލުވެ ހުންނެވި މިނިސްޓަރު. މިކަން ހުރިހާ ރައްޔިތުންނަށް އެނގޭ. މި މަޖިލިސް ހުރިހާ މެންބަރުންނަށް ވެސް އެނގޭ. އެކަން ވަޒީރުކޮށްފައި އޮތީ ގޯސްކޮށްކަން. ސަރުކާރުން ރައީސުލްޖުމްހޫރިއްޔާ އިއުލާން ކުރީ ޕާޓީއަށް މީހުން ވައްދަން. ވަޒީރުންނާއި މެންބަރުންނާ ވަރަށް ބުރަ މަސައްކަތްތަކެއް ކޮށް ރަށްރަށަށް ގޮސްގެން މީހުން ވެއްދީ. ވަރަށް ގިނަ މީހުން ވެއްދި. އެހެންނަމަވެސް އެވަޒީރުގެ އަތުގައި އެ ބާރާއި އިހުތިޔާރު އޮތަތީވެ އެވަޒީރު ބޭނުންކުރީ އޭގެ ޝޯޓްކަޓް.

ރައްޔިތުން މަޖިލީހުގެ ރައީސް އަބްދުއްރަހީމް އަބްދުﷲ