ރައްޔިތުންގެ މަޖިލީހުގެ ރައީސް މުހައްމަދު އަސްލަމް، ޔޫގެންޑާގެ މަޖިލީހުގެ ރައީސް އަނީތާ އަމޮންގްގެ އަރިހަށް އިހުތިރާމުގެ ޒިޔާރަތެއް ކުރައްވައިފިއެވެ.

އަންގާރަ ދުވަހު އެ ޒިޔާރަތްކުރައްވާފައި ވަނީ، މިހާރު އެމަނިކުފާނު ޔޫގެންޑާއަށް ކުރައްވާ ދަތުރުފުޅުގެ ތެރެއިންނެވެ.

އަސްލަމް ޔޫގެންޑާއަށް ވަޑައިގަތީ މިދިޔަ ހޯމަ ދުވަހުއެވެ. އަސްލަމް ޔޫގެންޑާއަށް ވަޑައިގެންފައިވަނީ ކޮމަންވެލްތުގައި ހިމެނޭ، ގާނޫނު ހަދާ މަޖިލިސްތަކުގެ ރައީސުންނާއި އޮފިސަރުންގެ 27 ވަނަ ކޮންފަރެންސުގައި ބައިވެރިވެވަޑައިގަތުމަށެވެ.

އަސްލަމް ވަނީ އެ ކޮންފަރެންސުގެ ޕްލިނަރީ ސެޝަންގައި ބައިވެރިވެވަޑައިގެންފައެވެ. އަދި އެ ކޮންފަރެންސުގެ ބައިވެރިންނަށް ޚާއްސަކޮށްގެން ބޭއްވި ޑިނަރ ނައިޓެއްގައިވެސް ބައިވެރިވެވަޑައިގަތެވެ.