ކުޅުދުއްފުށި ސިޓީގައި އާރު.ޓީ.އެލްގެ ސްކޫލް ބަހުގެ ޚިދުމަތް އިފްތިތާހުކޮށްފިއެވެ.

މިކަމަށްޓަކައި ރޭ ބޭއްވި ރަސްމިއްޔާތުގައި މި ޚިދުމަތް ރަސްމީކޮށް ފައްޓަވައިދެއްވީ ޑިފެންސް މިނިސްޓަރު މާރިޔާ ދީދީ އާއި އެމް.ޓީ.ސީ.ސީގެ ސީއީއޯ އާދަމް އާޒިމްއެވެ.

ސްކޫލް ބަހުގެ ޚިދުމަތް ފެށުމާއެކު ބުރާސްފަތި ދުވަހުން ފެށިގެން ޓެސްޓް ދަތުރުތައް ފެށިގެން ދާނެކަމަށް އެމް.ޓީ.ސީ.ސީން ބުނެއެވެ. ކުޅުދުއްފުށީގައި ސްކޫލް ބަހުގެ ޚިދުމަތް ފެށުމަށް އިއްޔެ ވަނީ އާރު.ޓީ.އެލްގެ ދެ ބަސް ކުޅުދުއްފުއްޓަށް ގެންގޮސްފައެވެ.

މި ޚިދުމަތަށް އާންމުންގެ ތަރުހީބު ލިބޭ ވަރަކުން ޚިދުމަތް ފުޅާކުރަން މަސައްކަތް ކުރާނެކަމަށް އެމް.ޓީ.ސީ.ސީން ބުނެއެވެ. އަދި ވަރަށް އަވަހަށް ބަސް ހުއްޓިތަކާއި ދަތުރުކުރާނެ މަގުތައް ވެސް އާންމުކުރާނެކަމަށް އެމްޓީސީސީއިން ބުނެއެވެ.