ކުރީގެ ނާއިބުރައީސް އަހުމަދު އަދީބު ގެންދަވަނީ ފުރާނައަށް ނުރައްކާވާ ފަދަ ނާރުގެ ބައްޔެއް ތަހައްމަލުކުރައްވަމުންކަމަށް މޯލްޑިވްސް ތާޑްވޭ ޑިމޮކްރެޓްސް (އެމްޓީޑީ)ން ބުނެފިއެވެ.
އަދީބުގެ ހާލުކޮޅާ ގުޅޭގޮތުން އެމްޓީޑީން ކުރި ޓްވީޓެއްގައި ބުނީ އަދީބު އަދިވެސް އައިޖީއެމްއެޗްގައި އެޑްމިޓުކުރައްވާފައިވާކަމަށެވެ. އަދި ބައެއް ޓެސްޓުތައް ހައްދަވަމުންދާކަމަށެވެ.
Advertisement
އެމްޓީޑީން ބުނީ އަދީބު ނާރުގެ ބައްޔެއް ތަހައްމަލުކުރަމުންދާކަން ޑައިގްނޯޒްވީ 3 އަހަރުގެ ޖަލު ބަންދަކަށްފަހު ގޭބަންދަށް ބަދަލުކުރި ފަހުން ކަމަށެވެ.
ބުދަ ދުވަހުގެރޭ އަދީބު އައިޖީއެމްއެޗްގެ އީރާރަށް ގެންގޮސްފައިވަނީ ހޭފުޅު ނެތިގެންނެވެ. އެހެންނަމަވެސް މިހާރު އަދީބުގެ ހާލުކޮޅު ކުރިއަށްވުރެ ރަނގަޅު ކަމަށް އެމްޓީޑީން ވަނީ ބުނެފައެވެ.
