ސިނަމާލެ ބްރިޖްގައި ދަތުރުކުރަމުން ދިޔަ ކާރެއްގައި ރޯވެއްޖެއެވެ.
މި ހާދިސާ ހިނގާފައި ވަނީ ހޮނިހިރު ދުވަހުގެ ހަވީރުގެ ވަގުތެއްގައެވެ.
މަންޒަރު ދުށް ފަރާތަކުން "ރާއްޖެ އެމްވީ" އަށް މައުލޫމާތު ދެމުން ބުނީ ސިނަ މާލެ ބްރިޖުގައި ދުއްވާފައި ދިޔަ ކާރެއްގައި ރޯވެފައިވާ ކަމަށެވެ.
މި ހާދިސާއާ ގުޅިގެން ފުލުހުންނާއި ކަމާބެހޭ ފަރާތްތަކުން ވަނީ އަލިފާން ނިއްވުމަށާއި، އެ ސަރަަހައްދުގައި ހަރަކާތްތެރިވަމުން ދިޔަ އާއްމުންގެ ސަލާމަތާއި ރައްކާތެރިކަން ކަށަވަރުކުރުމަށް ހަރަކާތްތެރިވެފައެވެ.
ކާރުގައި ރޯވި އަލިފާންގަނޑު ނިއްވާލެވިފައިވަނީ 16:20ގައި ކަމަށް އެމްއެންޑީއެފުން ވަނީ ބުނެފައެވެ. މި ހާދިސާގެ ރިޕޯޓު އެމްއެންޑީއެފަށް ލިބިފައިވަނީ މިއަދު 16:09ގައެވެ.
މި ހާދިސާ ހިނގި ގޮތް ސާފުކުރުމަށް ފުލުހުންނަށް ގުޅުމުން ފޯނަށް ޖަވާބު ނުދެއްވާތީ ހާދިސާ ހިނގަން މެދުވެރިވި ސަބަބު އަދި ވަނީ ސާފުވާ ގޮތް ނުވެފައެވެ.
