ހުޅުމާލެ-ފޭސް 2 ގައި ޓްރަކެއް ފުރޮޅާލައި ނުރައްކާތެރި އެކްސިޑެންޓެއް ހިނގައިފިއެވެ.
ފުލުހުން ބުނީ ހުކުރު ދުވަހު ހުޅުމާލެ-ފޭސް 2 އިންޑަސްޓްރިއަލް ޒޯން ކައިރިން ދުއްވާފައި ދިޔަ ކޮންކްރީޓް މިކްސްޗަރ ޓްރަކެއް ފުރޮޅާލާފައިވާ ކަމަށް ހެނދުނު 7:35 ހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.
Advertisement
އެ ވަގުތު އެސަރަހައްދުން ބައިސްކަލެއްގައި ދިޔަ 13 އަހަރުގެ ދެ ފިރިހެން ކުދިން އަދި ވެހިކަލް ޑްރައިވަރަށް އަނިޔާވެގެން ހުޅުމާލެ ހޮސްޕިޓަލުގައި ފަރުވާ ދެމުންދާ ކަމަށް ފުލުހުން ބުނެއެވެ.
މިހާދިސާއާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުންނެވެ.
