ސިނަމާލެ ބްރިޖު ކައިރީގައި ނުރައްކާތެރި އެކްސިޑެންޓެއް ހިނގައި މީހަކަށް އަނިޔާވެއްޖެ އެވެ.

މިއެކްސިޑެންޓް ހިނގާފައިވަނީ އަންގާރަ ދުވަހުގެ ހެނދުނު 7:49 ހާއިރެވެ.

ފުލުހުން ބުނީ ސިނަމާލެ ބްރިޖު ޓްރެފިކް ލައިޓް ކައިރީގައި މި އެކްސިޑެންޓް ހިނގީ ފުލުހުންގެ ވެހިކަލަކާއި ސައިކަލެއް ޖެހިގެން ކަމަށާއި، މިއެކްސިޑެންޓާއި ގުޅިގެން ބަލަންޖެހޭ ކަންކަން ބަލަމުންދާ ކަމަށެވެ.

މި އެކްސިޑެންޓްގައި ސައިކަލް ދުއްވި މީހާއަށް އަނިޔާވެގެން ހުޅުމާލެ ހޮސްޕިޓަލްގައި ފަރުވާ ދެމުންދާ ކަމަށް ފުލުހުން ބުނެއެވެ.

މީގެ އިތުރުން އަންގާރަ ދުވަހުގެ ހެނދުނު 8:00 ހާއިރު ހުޅުމާލޭގައި ވެސް ސަރުކާރު ކާރަކާއި ސައިކަލެއް ޖެހި ވެސް ވަނީ ނުރައްކާތެރި އެކްސިޑެންޓެއް ހިނގާފައެވެ. މި އެކްސިޑެންޓްގައި ވެސް ސައިކަލު ދުއްވަން އިން މިހާއަށް އަނިޔާވެފައިވެއެވެ. އަދި އެމީހާއާށް ވެސް ހުޅުމާލެ ހޮސްޕިޓަލްގައި ދަނީ ފަރުވާ ދެމުންނެވެ.

މި އެކްސިޑެންޓު ހިނގީ ހުޅުމާލޭ ބޮޑު މަގު ކަމަށްވާ ނިރޮޅުމަގުގައި ހަބީބް ބޭންކް ކުރިމަތިންނެވެ.