މާލޭގައި ސަލާން ޖަހަން އުޅުނު ޖަޕާން އަންހެން މީހާ އިމިގްރޭޝަނާ ހަވާލުކޮށްފިއެވެ.
މާލޭ މަގުމަތީގައި ސަލާންޖަހަން އުޅޭ ޖަޕާން އަންހެނެއްގެ ފޮޓޯ އާއި ވީޑިއޯ ވަނީ ސޯޝަލް މީޑިއާގައި އާންމުވެފައެވެ. އެކަމާއި ގުޅިގެން ފުލުހުން ބުނީ އެކަން ސަމާލުކަމަށް އައުމުން ފުލުހުންގެ ބެލުމުގެ ދަށަށް އެ މީހާ ގެންގޮސް މައުލޫމާތު ސާފުކުރި ކަމަށެވެ. އަދި އެއަށްފަހު އެ މީހާ އިމިގްރޭޝަނާ ހަވާލުކޮށްފައިވާ ކަމަށެވެ.
ކާނެ އެއްޗެއް ހޯދުމަށާއި ބޭސްފަރުވާ ކުރުމަށް އެދި ޖަޕާންގެ އެ މީހާ ފައިސާ ހޯދާ ކަމަށް ސޯޝަލް މީޑިޔާގައި ބައެއް ޕޯސްޓުތަކުގައި ބުނެފައިވެއެވެ. އަދި އޭނާއަކީ ދިވެއްސަކާ ކައިވެނިކޮށްގެން މާލޭގައި ދިރިއުޅޭ މީހެއް ކަމަށްވެސް ބައެއް މީހުން ގާތު ބުނެފައިވެއެވެ.
