ސ. ހިތަދޫގައި ތޫނު އެއްޗަކުން މީހަކަށް ހަމަލާދީ ޒަޚަމްކޮށްލައިފިއެވެ.

މިކަމާއި ގުޅިގެން ފުލުހުން ބުނީ އަނިޔާވި މީހާއަށް ހޮސްޕިޓަލުގައި ފަރުވާދެމުންދާކަމަށެވެ. އަދި 16 ފެބްރުއަރީ ވީ ބުރާސްފަތި ދުވަހުގެ ރޭ ގެ 10:02 ހާއިރު މިމައްސަލަ ފުލުހުންނަށް ހުށަހަޅާފައިވާކަމަށެވެ.

މި މައްސަލައާ ގުޅިގެން 18 އަހަރުގެ ދިވެހި ފިރިހެނަކު ވަނީ ފުލުހުންގެ ބެލުމުގެ ދަށަށް ގެންގޮސްފައިކަމަށް ވެސް ފުލުހުން ބުނެއެވެ. މިކަން ހިނގި ގޮތާއި ޒަޚަމްވީ މީހާއަށް ލިބިފައިވާ އަނިޔާތަކުގެ ތަފްސީލެއް އަދި ހާމައެއްނުކުރެއެވެ.

މިމައްސަލަ ފުލުހުން ގެންދަނީ އިތުރަށް ތަހުގީގުކުރަމުންނެވެ.