އައްޑޫ ގަން އިންޓަރނޭޝަނަލް އެއާޕޯޓަށް ފުރަން ގޮސް ހުރި މީހަކު ބޮމެއް އޮތްކަމަށް ބުނި މައްސަލައެއްގައި ދެ މީހުން ހައްޔަރުކޮށްފިއެވެ.
އެކަމާއި ގުޅިގެން ފުލުހުން ބުނީ ގަން އިންޓަރނޭޝަނަލް އެއާޕޯޓަށް ފުރަން ގޮސް ހުރި މީހަކު ބޮމެއް އޮތް ކަމަށް ބުނި މައްސަލައެއް ބުރާސްފަތި ދުވަހުގެ 5:25 އެހާއިރު ފުލުހުންނަށް ރިޕޯޓްކޮށްފައިވާކަމަށެވެ. މިމައުލޫމާތު ފުލުހުންނަށް ލިބުމުން އެކަން ވަނީ އެމްއެންޑީއެފްއާއި ހިއްސާކޮށްފައިކަމަށް ފުލުހުން ބުނެއެވެ. އެމްއެންޑީއެފުން އެމީހުން ގެންގުޅުނު ތަކެތި ބަލާ ފާސްކުރިއިރު އެފަދަ އެއްޗެއް ފެނިފައިނުވާކަމަށް ފުލުހުން ބުނެއެވެ.
މިމައްސަލައާއި ގުޅިގެން 58 އަހަރުގެ ދިވެހި އަންހެނަކާއި 61 އަހަރުގެ ދިވެހި ފިރިހެނަކު ފުލުހުންގެ ބެލުމުގެ ދަށަށް ވަނީ ގެންގޮސްފައެވެ.
މިމައްސަލަ ފުލުހުން އަންނަނީ އިތުރަށް ތަހުގީގުކުރަމުންނެވެ.
މިފަދަ މައްސަލަތައް މަދުންނަމަވެސް އަންނަނީ ފެންމަތިވަމުންނެވެ.
