29 ޖޫން 2018 | ހުކުރު 17:18
ޙުސައިން ޙަސަން
ދިމާވި ބައެއް ބޭފުޅުން ވިދާޅުވި ވާހަކަތަކަށް އިޝާރާތްކޮށް އިބޫ ވިދާޅުވީ އޭނާ ހުންނާނީ މީހުންގެ މީހެއްގެ ގޮތުގައި ކަމަށް. އެއްވެސް މީހެއްގެ އަޅަކަށް ނުވާނެ ކަމަށް. ހުންނާނީ މާތްﷲގެ އަޅެއްގެ ގޮތުގައި ކަމަށް
ޙުސައިން ޙަސަން
ރާއްޖޭގެ ރައީސުލްޖުމްހޫރިއްޔާގެ މަގާމަށް ރައީސް މުހައްމަދު ނަޝީދު ގެނެވޭނެ މަގު ތަނަވަސް ކޮށްދޭނެ ކަމުގެ ވައުދު ވެވަޑައިގެންނެވި. މިއީ ރިޔާސީ ކެންޑިޑޭޓުގެ މަގަމަށް އިބޫ ހޮވުމަށްފަހު ވެވަޑައިގެންނެވި ފުރަތަމަ ވައުދު.
ގައުމަށް ހަމަހިމޭން ވަގުތު ގެނެސްދޭންޖެހޭ ކަމަސް. ރައްޔިތުންގެ ރުއިމުގެ އަޑު އެބަ އިވޭ. ގުޅިފައިވާ ޕާޓީތަކުގެ ވައުދާއި މެނިފެސްޓޯ ހިމެނިޔަސް އެމްޑީޕީގެ މެނިފެސްޓޯގެ މައިގަނޑު އަސާސްތަކަށް ބަދަލު ނުގެންނާނަން.
އިބްރާހިމް މުހައްމަދު ސާލިހު (އިބޫ)
ޙުސައިން ޙަސަން
ކޮންގްރެސްގެ އިއްތިފާގުން ރިޔާސީ އިންތިހާބުގެ ކެންޑިޑޭޓަކަށް އިބޫ
އިއްތިފާގު ވެވުނީ ވޯޓަށް އެހި ވަގުތު ކޮންގްރެސްގެ ދަރުބާރުގައި ތިއްބެވި 791 މެމްބަރުންގެ ވޯޓުން.
ޙުސައިން ޙަސަން
ރައީސް މުހައްމަދު ނަޝީދުގެ ބަދަލުގައި އެމްޑީޕީ ޕާލަމެންޓްރީ ގްރޫޕުގެ ލީޑަރު އިބްރާހިމް މުހައްމަދު ސާލިހު (އިބޫ)ގެ ނަން ރިޔަސީ ކެންޑިޑޭޓެއްގެ ގޮތުގައި ހުށަހެޅި ގަރާރަށް ގިނަ މެމްބަރުން ދަނީ ބަހުސް ކުރަމުން. ޖޯޝާއި ފޯރިއާއެކު އެ ގަރާރުގެ ބަހުސުން މުޅި ދަރުބާރު ވަނީ ގުގުމާލާފައި.
ޙުސައިން ޙަސަން
އެމްޑީޕީން ސިޔާސީ ގޮތުން އަތުރާލާ ކުޅިބައި ރައީސް އަބްދުﷲ ޔާމިނަށް އެނިވަޑައި ނުގަންނަވާނެ ކަމަށް އަބްދުﷲ ޝާހިދު ވިދާޅުވިއެވެ.
ޙުސައިން ޙަސަން
އަސްލަމް ހުށަހެޅުއްވި ގަރާރަށް ޝުއޫރުފާޅު ކުރުމުގެ ފުރުސަތު ދީފި.
އެގޮތަށް ދެއްވި ފުރުސަތުގައި އެންމެ ފުރަތަމަ ވާހަކަފުޅު ދެއްކެވީ މަރަދޫ ދާއިރާގެ އިބްރާހިމް ޝަރީފު (މަވޯޓާ). އޭނާ ވިދާޅުވީ ރައީސް ނަޝީދު ރިޔާސީ ކެންޑިޑޭޓަކަށް ނެރުމަށް ކުރެވެން އޮތް ހުރިހާ މަސައްކަތެއް ކުރަންޖެހޭ ކަމަށް. ރޮޒައިނާ ވެސް ވާހަަކަފުޅު ދެއްކެވި. ރޮޒައިނާ ވިދާޅުވީ ރައީސް ނަޝީދަށް ކުރިމަތިނުލެވޭނެ ހާލަތެއްގައި އެ ފުރުސަތު އިބޫއަސް ދިނުމަށް ތާއިދު ކުރައްވާ ކަމަށް
ގަރާރަށް ތާއިދުކޮށް ވާހަކަފުޅު ދައްކަވަމުން ހެންވޭރު އުތުރު ދާއިރާގެ މެމްބަރު އަބްދުﷲ ޝާހިދު ވިދާޅުވީ އަޅުގަނޑުމެން އަތުރާލާ މި ކުޅިބައި ރައީސް ޔާމީނަށް އެނގިވަޑައިނުގަންނަވާނެ ކަމަށް.
ގަރާރަށް ވާހަަކަފުޅު ދެއްކެވި ބޭފުޅުން
އިބްރާހިމް ޝާފިއު (ޗަންޕީ)
އިމާދު ސާލިހު
އައްޑޫ ދާއިރާގެ ނައިބު ރައީސް
ކަނޑިތީމު ދާއިރާގެ ރައީސް އަބުﷲ ޝަހީމް
ހިތަދޫ މެދު ދާއިރާ އަހުމަދު ޝަރީފު
ވައިކަރަދޫ ދާއިރާގެ މެމްބަރު މުހައްމަދު ނާޒިމް
ކުޅުދުއްފުށީ އުތުރު ދާއިރާގެ މެމްބަރު އަބްދުލް ޣަފޫރު މޫސާ
ކެޔޮޅު
ޙުސައިން ޙަސަން
އަސްލަމް ހުށަހެޅުއްވި ގަރާރަށް ގިނަ އަދަދެއްގެ ބަޔަކު ތާއިދުކޮށް އަތްމައްޗަށް ނެގި. ނަމަވެސް އެ ގަރާރަށް ތާއިދު ކުރަން ފުރުސަތު ދިނީ އެމްޑީޕީ ތޮއްޑޫ ދާއިރާގެ މެމްބަރު މުހައްމަދު ޝިއާން.
ޙުސައިން ޙަސަން
އެމްޑީޕީ ރިޔާސީ ކެންޑިޑޭޓުގެ މަގާމަށް ނަން ހުށަހަޅަން ހުޅުވާލި ފުރުސަތުގައި ރައީސް މުހައްމަދު ނަޝީދުގެ ކެމްޕެއިން މެނޭޖަރު އަސްލަމް ހުށަހެޅުއްވީ އެ ޕާޓީގެ ޕާލަމެންޓްރީ ގްރޫޕުގެ ލީޑަރު އިބްރާޙިމް މުހައްމަދު ސޯލިހުގެ ނަންފުޅު.
އެ ނަން ހުށަހެޅުއްވީ ގަރާރެއްގެ ގޮތުގައި.
ޙުސައިން ޙަސަން
އެމްޑީޕީ ރިޔާސީ ކެންޑިޑޭޓުގެ މަގާމަށް ނަން ހުށަހަޅަން ހުޅުވާލައިފި
އެ ފުރުސަތު ހުޅުވާލީ އެމްޑީޕީ ސެކަރެޓޭރިއަޓުން. ސެކަރެޓޭރިއަޓުން އެ ގޮތަށް ހުށަހެޅީ 124 ވަނަ މާއްދާފގެ (ށ)ގެ ދަށުން ކެންޑިޑޭޓް ކަނޑައެޅުމުގެ ބާރު އެ ކޮންގްރެސްއަށް ލިބިގެންވާތީ.
ޙުސައިން ޙަސަން
ރައީސް ނަޝީދު ރިޔާސީ ކެންޑިޑޭޓެއްގެ ގޮތުގައި ޕާޓީން ނެރުމަށް ނިންމައި، އިންތިހާބުގައި ވާދަ ކުރެއްވުމަށް ކުރެއްވި މަސައްކަތަށް ނާކާމިޔާބުވި ކަމަށް އިޝާރާތްކޮށް ޝިފާޒު ވާހަކަފުޅު ދެއްކެވި.
ގޮތް ހުސްވެގެން ބިމަށް ތުންގަނޑު ހަރާލައިގެން އެމްޑީޕީ ނޯންނާނެ ކަމަށް ޝިފާޒު ވިދާޅުވި.
ޙުސައިން ޙަސަން
ސިއްރުން ނަގަން ޖެހޭ ވޯޓެއް، އަތް މައްޗަށް ނަގައިގެން ވޯޓު ނެގުމުގެ ސަބަބުން ބާތިލުވި އިސްލާހު އަސާސީ ގަވާއިދުގައި ބުނެފައިވާ ގޮތަށް އަނެއްކާވެސް ބޮޑު އަގުލަބިއްޔަތަކުން ފާސްވެއްޖެއެވެ.
އެ އިސްލާހު ފާސްވީ ކޮންގްރެސްގައި ބައިވެރިވެވަޑައިގެންނެވި 711 މެމްބަރުންގެ ބޮޑު އަގުލަބިއްޔަތުންނެވެ. އެ އިސްލާހާ ދެކޮޅަށް ވޯޓު ދެއްވީ ތިން މެމްބަރުންނެވެ. ވަކިކޮޅަކަށް އެއްވެސް މެމްބަރަކު ވޯޓެއް ނުދެއްވާ.
ޙުސައިން ޙަސަން
ސިއްރުން ނަގަން ޖެހޭ ވޯޓެއް އަތްމައްޗަށް ނަގައިގެން ވޯޓަށް އެހުމުގެ ސަބަބުން ބާތިލުވި އިސްލާހު އަލުން ކޮންގްރެސްއަށް ހުށަހަޅައިފިއެވެ.
އެ އިސްލާހު ކޮންގްރެސްއަށް ހުށަހެޅުމަށް އެއަށް އިތުރު ކަންތައްތަކެއް ވަނީ ހުށަހަޅާފައެވެ. އެއަށް އިތުރު އިސްލާހެއް ހުށަހެޅުއްވީ މަނަދޫ ދާއިރާގެ ކުރީގެ މެމްބަރު މުހައްމަދު ތާރިގެވެ. އޭނާ ހުށަހެޅި އިސްލާހަށް ކުޅުދުއްފުށީ އުތުރު ދާއިރާގެ މެމްބަރު އަބްދުލް ޣަފޫރު މޫސާއެވެ.
އެ އިސްލާހާ މެދު ގޮތެއް ނިންމާނީ މެދުކަނޑާލުމަށްފަހު އަލުން ފަށާ ކޮންގްރެސް ބައްދަލުވުމުގައެވެ.
ޙުސައިން ޙަސަން
އެމްޑީޕީގެ ފަރާތުން އާންމު އިންތިހާބުތަކުގައި ވާދަ ކުރައްވާ ކެންޑިޑޭޓުންނަށް އެއްވެސް ސަބަބަކާހުރެ ކުރިމަތި ނުލެވޭނަމަ، އިތުރު ކެންޑިޑޭޓެއް ކަނޑައެޅުމުގެ ބާރު އެ ޕާޓީގެ ކޮންގްރެސްއަށާއި ގައުމީ މަޖިލީހަށް ދިން އިސްލާހު ބާތިލުވެއްޖެއެވެ.
އެ އިސްލާހު ބާތިލުވީ އަތްމައްޗަށް ނަގައިގެން ވޯޓު ނެގުމުންނެވެ. ސަބަބަކީ އެމްޑީޕީގެ އަސާސީ ގަވާއިދު ބުނާ ގޮތުން އެ ޕާޓީގެ ކޮންގްރެސްގެ ވޯޓުތައް ނަގަންޖެހޭނީ ސިއްރު ވޯޓެއްގެ ގޮތުގައެވެ. ކޮންގްރެސްގެ ހުށަހެޅުންތައް ސިއްރު ވޯޓުތަކެއްގެ ގޮތުގައި ނަގަންޖެހޭކަން ފާހަގަ ކުރެއްވީ ކޮންގްރެސްގެ ރިޔާސަތުންނެވެ.
އެ ހިސާބުން ފެށިގެން ކްލޯޒް ސެޝަންތަކެއް ކުރިއަށް ދިޔައެވެ. ސިއްރުން ކުރިއަށް ގެންދިޔަ އެ ސެޝަންތަކުގައި ވަނީ އަސާސީ ގަވާއިދަށް އިސްލާހެއް ހުށަހެޅާފައެވެ.
އަސާސީ ގަވާއިދަށް ހުށަހެޅީ ކޮންގްރެސްގެ ވޯޓު ނެގުން އަތްމައްޗަށް ނަގައިގެން ކުރިއަށް ގެންދިއުމަށެވެ. އެ ހުށަހެޅުމަށް ވޯޓަށް އެއީ މިހާރު ވެސް އަސާސީ ގަވާއިދުގައިވާ ގޮތަށް ސިއްރު ވޯޓަކުންނެވެ. އެ ސިއްރު ވޯޓުން ނިންމީ ކޮންގްރެސްގެ ހުށަހެޅުންތައް އަތްމައްޗަށް ނަގައިގެން ވޯޓަށް އެހުމަށެވެ.
އަބުދުﷲ ނަސީރު އިބްރާހިމް
ކޮންގްރެސްގައި ނަގާ ވޯޓުތައް އަތް އުުފުލައިގެން ނަގާގޮތަށް ފާސްކޮށްފި އެވެ. އެގޮތަށް ފާސްކުރީ، ކޮންގްރެސްގައި ނަގާ ވޯޓުތައް ނަގަންޖެހޭނީ ސިއްރުކަމަށް ބުނެފައިވާތީ، އެކަން ބަދަލުކުރުމަށް ނެގި ވޯޓުންނެވެ.
ވޯޓުގައި ބައިވެރިވެވަޑައިގެންނެވި މެމްބަރުންގެ ތެރެއިން 716 މެމްބަރުން ވޯޓު ދީފައިވަނީ އަތް އުފުލައިގެން ވޯޓުގެ ކަންތައްތައް ކުރިއަށްގެންދިއުމަށެވެ. އަދި ސިއްރު ވޯޓަކުން ވޯޓުގެ ކަންތައްތައް ކުރިއަށްގެންދިއުމަށް 63 މަންދޫބަކު ވަނީ ވޯޓު ދީފަ އެވެ.
ޙުސައިން ޙަސަން
ރައީސް މުހައްމަދު ނަޝީދުގެ މެސެޖު ކޮންގްރެސްގެ މަންދޫބުންނަށް އިއްވައިދިނީ ކޮންގްރެސްގެ ރަސްމީ އެޖެންޑާގެ ބޭރުން ކަމަށް ރިޔާސަތުގައި އިންނެވި އެމްޑީޕީގެ ޗެއާޕާސަން ހަސަން ލަތީފު ވިދާޅުވި.
ޙުސައިން ޙަސަން
ރައީސް ނަޝީދުގެ ވާހަކަފުޅާ ގުޅިގެން ކޮންގްރެސްގެ މަންދޫބުން މަޝްވަރާ ކުރެއްވުމަށް ވަގުތު ދީފި. އެ ވަގުތު ދީފައި ވަނީ ހަމައެކަނި ކޮންގްރެސް ކުރިއަށްދާ ދަރުބާރުގޭގައި މަޝްވަރާ ކުރުމަށް.
އަހްމަދު ސާއިފް ޝިޔާދް
މި ކޮންގްރެސްގެ ތެރެއިން ރިޔާސީ ކެންޑިޑޭޓަކު ކަނޑައަޅައި ދިނުމަށް ރައީސް ނަޝީދު އެދިވަޑައިގެންފި. ރައީސް ނަޝީދު މިހެން
ވިދާޅުވީ ކޮންގްރެސްއަށް ފޮނުވި ހާއްސަ ވީޑިއޯ މެސެޖެއްގައި.
MDP ge 3 vana Congress (Aadhayaai khilaafu) ge Mandhoobun’aai Party ge Raees @MohamedNasheed mukhaathabu kurahvvanee#MDP_Congess2018 pic.twitter.com/zws3FjMiBm
— MDP Secretariat (@MDPSecretariat) June 30, 2018
#HoonuKhabaru: Mivaguthu ge hageegathah balaa congress ge kibain riyaasee candidate ehgge gothugai ehen beyfulhaku hamajahssaidhinumah Raees Nasheed edhi vadaigenfi | @Raajje_tv
— raajje.mv (@raajjemv) June 30, 2018
ޙުސައިން ޙަސަން
މުހިއްމު އިސްލާހު ފާސްކުރުމަށްފަހު، ނަމާދު ވަގުތަށް މެދުކަނޑާލައިފި.. ދެން ކޮންގްރެސް ފަށާނި 4:30ގައި.
ޙުސައިން ޙަސަން
،، އިސްލާހު ނުފެންނަ ކަމަށް ވޯޓު، ދެއްވި މެމްބަރުންގެ އަދަދު މަދުވުމުން، އިސްލާހަށް ތާއިދު އޮތް ކަމަށް ބަލައި އެމްޑީޕީގެ އަސާސީ ގަވާއިދު އިސްލާހުކޮށްފި
އިސްލާހާ ދެކޮޅަށް ވޯޓު ދެއްވީ 144 މެމްބަރުން. ހާޒިރުވެވަޑައިގެންނެވީ 823 މެމްބަރުން. އެ އިސްލާހަށް ތާއިދު އޮތް ކަމަށް ބެލީ ދެކޮޅަށް ދެއްވި މެމްބަރުންގެ އަދަދު މަދުވުމުން، ދެން ތިއްބެވި މެމްބަރުންނަކީ އެ އިސްލާހަށް ތާއިދު ކުރައްވާ މެމްބަރުންގެ ގޮތުގައި ބައްލަވައިގެން.
ޙުސައިން ޙަސަން
މި އިސްލާހު ފާސް ނުވެއްޖެނަމަ، ދެން ވެދާނެ ގޮތަކާމެދު ކޮންގްރެސްގެ މަންދޫބުން ގެންދަނީ ސުވާލު އުފައްދަމުން. އެގޮތުން މި އިސްލާހު ފާސްނުވެއްޖެނަމަ ކޮންގްރެސް ބޭއްވުމުގެ މަގުސަދު ގެއްލުނީ ކަމަށް ބުނަމުން އެބަދޭ. ނަމަވެސް އެ މެމްބަރުން އެ ގެންގުޅުއްވަނީ "މިސް އަންޑަސްޓޭޑިން"އެއް ކަމަށް ވިދާޅުވެ، ބައެއް އިސް ބޭފުޅުން ގެންދަވަނީ ދެން ވާނެ ގޮތް ކިޔައި ދެއްވަމުން . އެ ގޮތުން މި އިސްލާހު ފާސްނުވެއްޖެނަމަ މި ކޮންގްރެސްގައި އަލުން އެޖެންޑާކޮށްގެން އިތުރު އިސްލާހަށް ފުރުސަތު އޮތްކަން ދަނީ ހަނދާންކޮށްދެމުން.
ޙުސައިން ޙަސަން
މި އިސްލާހަކީ ހަމައެކަނި މި ކޮންގްރެސްއަށް ހުށަހަޅައިފައި އޮތް އިސްލާހު. މި އިސްލާހު ފާސް ކުރުމަށް ދެކޮޅަށް ގިނަ މެމްބަރުންގެ އަގުލަބިއްޔަތު ލިބިއްޖެނަމަ، ދެން ވާނެ ގޮތަކާމެދު ސުވާލު އުފެދޭ.
ޙުސައިން ޙަސަން
އިންތިހާބުގައި ކެންޑިޑޭޓަށް ވާދަނުކުރވޭ ހާލަތުގައި އެ ބާރު އެ ޕާޓީގެ ކޮންގްރެސްއަށާއި ގައުމީ މަޖިލީހަށް ދިނުމަށް ހުށަހެޅި އިސްލާހާ ދެކޮޅަށް ވެސް ގިނަ ބަޔަކު ވޯޓު ދެއްވައިފި. ނަތީޖާ އަދި އިއުލާނެއް ނުކުރޭ.
ޙުސައިން ޙަސަން
އަސާސީ ގަވާއިދުގެ 124 ވަނަ މާއްދާއަށް ހުށަހެޅި އެ އިސްލާހާއެކު ކޮންގްރެސް ނިޒާމީ އޮއިވަރެއްގައި ދެ ތިން މެމްބަރުން ކަންތައްތަކެއް ފާހަގަ ކުރައްވައިފި.
ޙުސައިން ޙަސަން
އިންތިހާބުގައި ވާދަ ކުރައްވާ ކެންޑިޑޭޓަށް ދިމާ ހާލަތަކުން ކުރިމަތިނުލެވިއްޖެ ނަމަ، ކެންޑިޑޭޓަކު ކަނޑައެޅުމުގެ ބާރު ޕާޓީގެ ކޮންގްރެސްއަށާއި ގައުމީ މަޖިލީހަށް ދިނުމަށް އިސްލާހުގައިވޭ. އެ އިސްލާހަށް ބަހުސްގެ މަރުހަލާ ހުޅުވާލާފައި ވަނިކޮށް ނިޒާމީ މައްސަލަތަކެއް ފެންމަތިކޮށްފި
ޙުސައިން ޙަސަން
ޝިފާޒު ހުށަހެޅުއްވި އިސްލާހުގައި ވަނީ ޕާޓީގެ ކެންޑިޑޭޓަކު އިންތިހާބުގައި ވާދަ ނުކުރެވޭ ހާލަތުގައި ކެންޑިޑޭޓެއް ކަނޑައެޅުމުގެ ބާރު ޕާޓީގެ ކޮންގްރެސް އާއި ގައުމީ މަޖިލީހަށް ދިނުމަށް. ޝިފާޒު ހުށަހެޅުއްވި އިސްލާހަށް ވާހަކަ ދެއްކުމުގެ ފުރުސަތު ހުޅުވާލައިފި.
ޙުސައިން ޙަސަން
ހަތް އިސްލާހެއް ހުށަހެޅި. ހަ އިސްލާހެއް ވަނީ އަނބުރާ ގެންގޮސްފައި. އެގޮތުން އެޖެންޑާގައި އޮތީ އެންމެ އިސްލާހަށް ވޯޓަށް އެހުން. އެ އިސްލާހު ހުށަހަޅުއްވަނީ އެމްޑީޕީގެ ނައިބު ރައީސް މުހައްމަދު ޝިފާޒު.
ޙުސައިން ޙަސަން
އިސްލާހު ހުށަހަޅައި ވޯޓަށް އަހުމުގެ މަސައްކަތް ފަށައިފި
ޙުސައިން ޙަސަން
އެމްޑީޕީ މެނިފެސްޓޯގައި ހިމެނޭ ފަސް ވައުދު.
ޖަޒީރާ ދިރިއުޅުން
ލާމަރުކަޒީ ނިޒާމު ފުރިހަމަ ނިޒާމަށް ބަދަލު ކުރުމުގެ ވައުދު. ކައުންސިލްތަކަށް މާލީ މިނިވަންކަން ހޯދައިދޭނެ ކަމަށް. ޖަޒީރާ ދިރިއުޅުގެ ވައުދު ބައްޓަންކޮށްފައި ވަނީ ކައުންސިލްތައް ބާރުވެރި ކުރުމާ ގުޅޭ ގޮތަށް
ނޫ އިގްތިސާދު
ރާއްޖޭއަށް އެތެރެ ކުރެވޭ ޕްލާސްޓިކް މަދުކުރެވޭނެ. މަސްވެރިންގެ މަހަށް ހަމަ އަގު ހޯދައި ދެވޭނެ. މަސްވެރިޔާގެ ޖީބަށް ސީދާ ޑޮލަރު ވަންނާނެ ގޮތް ހޮއްދަވާނެ ކަމަށް ވިދާޅުވ.
ފަހުރުވެރި އާއިލާ
ދުޅަހެ ސިއްހަތާއި އަންހެނުން ބާރުވެރި ކުރުވުމަށް އަލިއަޅުވާލާފައިވޭ.
އޯގާތެރި ސަރުކާރު
މަސްވެރިންނަށް ޕެންޝަން ދޭނެ. އަލަށް އުފަންވާ ކުއްޖަކަށް ފޮއްޓެއް. މައިމީހާއަށް ހަ މަސް ދުވަހުގެ ޗުއްޓީ.
އިންސާފު
.ކޯލިޝަންތަކަށް ގާނޫނީ ހައިސިއްޔަތު ހޯދައިދޭނެ. އޮމާންކަމާއެކު ސިޔާސީ ހަމަޖެހުން ހޯދުން. ބޭއިންސާފުން ކޮށްފައި ހުރި ކަންކަން ހޯދައި، އެކަންކަން ބަލައި ނުގަންނާނެ ކަން ކަށަވަރުކޮށް، އިންސާފު ހޯދައިދިނުން. ބަދަލު ދޭންޖެހޭ ފަރާތްތަކަށް ބަދަލު ދޭނެ. ޖިނާއީ ދައުވާ އުފުލަންޖެހޭ ފަރާތްތަކަށް ދައުވާ އުފުލޭނެ ކަމަށް ވިދާޅުވި.
ޖުޑީޝަރީ އިސްލާހު ކުރުމަށްޓަކާ ބޮޑެތި އިސްލާހުތަކެއް
ޙުސައިން ޙަސަން
މެނިފެސްޓޯގައި ހިމެނޭ ފަސް ބައިގެ މައުލޫމާތު ވީޑިއޯއެއްގެ ޒަރިއްޔާއިން ގެނެސްދޭން ތައްޔާރުވެފައި. މެނިފެސްޓޯ ޓީމްއަކީ "ޖަޒީރާ ރާއްޖެ". އެއީ ރައީސް ނަޝީދު ކެމްޕެއިންގައި ބޭނުންފުޅު ކުރެއްވި ތީމް.
ޙުސައިން ޙަސަން
ޕާޓީތަކާ އެކު ގުޅިގެން ކުރަމުންދާ މަސައްކަތުގައި މި އަހަރު ރިޔާސީ އިންތިހާބު ކާމިޔާބު ކުރުމަށް އެއްބަސްވުމަށް އާދެވިފައިވާކަން ހަސަން ފާހަގަ ކުރެއްވި. ޖުމްހޫރީ ޕާޓީ އާއި ރައީސް މައުމޫންނާއެކު އެ ޕާޓީން ފެއްޓެވި މަސައްކަތުގެ ކާމިޔާބީއަށް ވާސިލުވާނެކަން ހަނދާންކޮށްދެއްވި.
ޙުސައިން ޙަސަން
ވޭތުވެދިޔަ މުއްދަތުގައި ޕާޓީން ކޮށްފައިވާ މުހިއްމު ކަންތައްތަކުގެ ތަފްސީލީ މައުލޫމާތު ހަސަން ގެންދަވަނީ ތަފްސީލުކޮށްދެއްވަމުން. ފާއިތުވީ އަހަރުތަކުގައި ކާމިޔާބު މަސައްކަތްތަކެއް ކުރައްވާފައިވާ ކަމަށް ވިދާޅުވި. ނަތީޖާއެއްގެ ގޮތުން ބައިނަލް އަގުވާމީ ފަރާތްތަކުން ރާއްޖެެ ޕްރެޝާތައް ކުރިމަތިކޮށް، އިސްލާހުކަންކަން.
މިދިޔަ އަހަރުގެ ކައުންސިލް އިންތިހާބުގައި 314 ގޮނޑި ކާމިޔާބުކޮށް ސަރުކާރުގެ މައްޗަށް ކުރި ހޯދާދައި. ޑިމޮކްރަސީގެ މައްޗަށް އެމްޑީޕީގެ ފަރިތަކަން ވަނީ ދައްކާފައި. 2013 ވަނަ އަހަރުގެ ރިޔާސީ އިންތިހާބު ސުޕްރީމް ކޯޓުން ވަކި ބޭފުޅަކަށް ދެންދެން ކުރީގައި އޮތީ އެމްޑީޕީގެ ރިޔާސީ ކެންޑިޑޭޓު .
ހަސަން ލަތީފު
ޙުސައިން ޙަސަން
ރިޕޯޓް އިއްވަމުން ހަސަން ފާހަގަ ކުރެއްވި މުހިއްމު ކަންކަން
އެމްޑީޕީގެ އާންމު މެމްބަރުންގެ އަދަދަކީ 52867 މެމްބަރުން.
ޕާޓީގެ ގޮފިތަކުގެ އަދަދަކީ 640
އެމްޑީޕީގެ ކައުންސިލަރުންގެ އަދަދަކީ 382
ގައުމީ މަޖިލީހުގެ މެމްބަރުންގެ އަދަދަކީ 114 މެމްބަރުން.
އެންމެ ބާރު ގަދަ ގުނަވަން ކޮންގްރެސްގެ މެމްބަރުންގެ އަދަދު 1000 ވުރެ ގިނަ.
ޙުސައިން ޙަސަން
އެޖެންޑާ ކުރިއަށް ގެންދިއުމަށް ފާސްކޮށްފި. އެގޮތަށް ފާސްވީ އެޖެންޑާގައިވާ ގޮތަށް ކުރިއަށް ގެންދިއުމަށް އެއްވެސް ބޭފުޅަކު އިއުތިރާޒު ކުރައްވާފައި ނުވާތީ.
މަންދޫބުންނަށް ދިން ފައިލުގެ އެޖެންޑާގައިވާ ގޮތުން ރައީސް މުހައްމަދު ނަޝީދު ވާހަކަފުޅު ދެއްކެވުމަށް އެޖެންޑާކޮށްފައިވޭ. ނަމަވެެސް ރިޔާސަތުން އިއުލާން ކުރެއްވީ ރައީސް ނަޝީދު ވާހަކަފުޅު ނުރައްކަވާނެ ކަމަށް. އެމަނިކުފާނު ވާހަކަފުޅު ދެއްކެވުމަށް އެޖެންޑާގައި ނެތް ކަމަށް ޗެއާޕާސަން ވިދާޅުވި.
ޙުސައިން ޙަސަން
ކޮންގްރެސްގައި ބައިވެރިވެވަޑައިގެންނެވުމުގެ ހައްގު ލިބިގެން ވަނީ 1122 މެމްބަރުންނަށް. ގާނޫނީ އަދަދަކީ އެ އަދަދުގެ ހަތަރު ބައި ކުޅަ އެއްބައި. ހާޒިރުވެވަޑައިގެން ތިއްބެވީ 812 މެމްބަރުން.
ޙުސައިން ޙަސަން
އެމްޑީޕީގެ ކޮންފްރެސް ފަށައިފި. ރިޔާސަތުގައި އިންނެވީ އެމްޑީޕީގެ ޗެއާޕާސަން ކަމަށް. އަރިހުގައި ޕާޓީގެ ސެކަރެޓަރީ ޖެނަރަލް އަނަސް އަބްދުއްސައްތާރާއި ގާނޫނީ ވަކީލު ހިސާން ހުސައިން.
އަޒްލިފާ އަބްދުﷲ
އެމްޑީޕީގެ ކޮންގްރެސް ފެށުމުގެ ރަސްމިއްޔާތު ނިންމާލައިފިއެވެ.
ދެން ފެށޭނީ މެންދުރުފަހު 2:00 ގައި
އަޒްލިފާ އަބްދުﷲ
މި މަސައްކަތް ހުއްޓާނީ ރައީސް ޔާމީން ބަލިކޮށް ގައުމު ހަމަ މަގަށް އަޅުވާފައި.
މި ކޮންގްރެސް ބޭއްވުމަށް އެހީތެރިވިދެއްވި ހުރިހާ ފަރާތްތަކަށް ޝުކުރު ދަންނަވަން.
ކޮންގްރެސްގެ ބައިވެރިންނަށް ކާމިޔާބު ކޮންގްރެސް އަކަށް އެދެން.
އަޒްލިފާ އަބްދުﷲ
މިއަދު ދިވެހިންނަށް ރައީސް ޔާމިން ބަލި ކުރުން ނޫން ޗޮއިސް އެއް ނެތް. ފުލުހުންނާއި ސިފައިންނާއި ފަނޑިޔާރުން ޤާނޫނާއި އެއްގޮތަށް ކަންކުރާ ބަޔަކަށް ހަދަން ޖެހޭ. އެކަންކަން ހައްލުކުރަން އިދިކޮޅު ފަރާތްތަކުން މަސައްކަތް ކުރަމުން ދަނީ .
ރައީސް މައުމޫނާއި، ޖޭޕީ އަދި އޭޕީ އަަށް ޝުކުރު ދަންނަވަން.
ރައިސް ޔާމީން ބޮޑު ތަނުން ބަލިވާއިރު ހެދޭނެ އެއްވެސް މަކަރެއް ނޯންނާނެ. އިރާދަކުރެއްވިއްޔާ ހަތަރު ޕާޓީ ނިކުމެ ބޮޑުތަނުން ބަލިކުރާނަން.
އަޒްލިފާ އަބްދުﷲ
އެމްޑީޕީއަށް ސަރުކާރުން ދަނީ އެކި ގޮތް ގޮތުން ދަނީ ހުރަސް އަޅަމުން. އީސީގެ ޤާނޫނީ ވާޖިބެއް އެއީ އަހަރު ނިމުމުގެ ކުރިން ސިޔާސީ ޕާޓީ ތަކަށް ދޭންޖެހޭ ފައިސާ ދިނުން. އެހެން ނަމަވެސް މި ބޮޑު ހަފްލާއަށް ވެސް ފައިސާ ނުލިބުން
އަޒްލިފާ އަބްދުﷲ
އަޅުގަނޑުމެންނަނީ ސަރުކާރުން ދިނީމާ ކައިގެން ބޮއެގެން އުޅޭ މީހުނެއް ނޫން
އަޒްލިފާ އަބްދުﷲ
މި ކޮންގެރެސް ފެށުމުގެ ޖަލްސާގައި އިދިކޮޅު ސިޔާސީ ޕާޓީތަކުގެ އިސް ބޭފުޅުން ބައިވެރިވެ ވަޑައިގަންވަނާ
އަޒްލިފާ އަބްދުﷲ
މި ކޮންގްރެސް އަށް އެކި ރަށަރަށުން ދިޔަ މީހުންގެ އަދަދު 1500 އަށް އަރާނެ ކަމަށް އުކުޅަހުގައި މި ކޮންގްރެސް ކަވަރު ކުރަމުންދާ ރާއްޖެ އެމްވީގެ ރިޕޯޓަރު ހުސައިން ހަސަން މައުލޫމާތުދޭ
އަޒްލިފާ އަބްދުﷲ
ކުލަ ގޮތެއްގައި ކުރިއަށްދާ މި ކޮންގްރެސްގައި 800 އަށް ވުރެ ގިނަ މަންދޫބުން ވަނީ ބައިވެރިވޭ
އަޒްލިފާ އަބްދުﷲ
އިދިކޮޅު އެންމެ ބޮޑު ޕާޓީ، އެމްޑީޕީގެ ކޮންގްރެސް އއ. އުކުޅަހުގައި ރަސްމީކޮށް ފަށާފައި ވަނީ ހޮނިހިރު ދުވަހުގެ 12:00 ގައި
ޙުސައިން ޙަސަން
އެމްޑީޕީގެ މަޖިލިސް މެމްބަރުންނާއި ގައުމީ މަޖިލީހުގެ މެމްބަރުންނާއި ގޮފިތަކުގެ ރައީސުން ހިމެނޭ ގޮތަށް 300 މަންދޫބުން އުކުޅަހަށް ވަޑައިގެންފި. ވަޑައިގެންނެވި މަންދޫބުންނަށް ދެންނެވި މަރުހަބާ އާއި ހެނދުނުގެ ސަޔަށް އިންސާފު ކުރުމަށްފަހު ރާއްޖެއެމްވީއާ ވާހަކަ ދެއްކި ގިނަ މަންދޫބުން ވަނީ އިންތިޒާމުތަކަށް ތައުރީފުކޮށްފައި
ޙުސައިން ޙަސަން
އެމްޑީޕީގެ މަޖިލިސް މެމްބަރުން އެ ޕާޓީގެ ލީޑާޝިޕްގެ އިސް ބޭފުޅުން ވަޑައިގަންނަވާނީ މިއަދު 9:00ގައި ބޯޓެއްގައި. އެ ބޯޓުގައި ގިނަ އަދަދެއްގެ މަންދޫބުން އަންނާނެ. މިހާތަނަށް ބަނދަރަށް ލަފާފައި ވަނީ ލޯންޗުތައް. އެގޮތުން މިހާތަނަށް މަންދޫބުން ބަރުކޮށްގެން 23 ވަރަކަށް ލޯންޗު އުކުޅަކަށް ބަނދަރުކޮށްފައިވޭ. ކޮންމެ ލޯންޗަކުން ވެސް މީހުން މި ރަށަށް ބޭލުމަށްފަހު ވަނީ ފުރާފައި.
ޙުސައިން ޙަސަން
މާލެއިން ފުރައިގެން އުކުޅަހަށް މިއަދު އެންމެ ފުރަތަމަ ލޯންޗު އައީ 7:30 އެހާކަންހާއިރު. ވޭތުވެދިޔަ ބައި ގަޑިއެއްހާއިރު ތެރޭގައި 15 ވަރަކަށް ލޯންޗުގައި 300 އަށް ވުރެ ގިނަ ކޮންގްރެސްގެ މަންދޫބުން އުކުޅަހަށް ވަނީ އައިސްފައި. މަންދޫބުންގެ ގޮތުގައި ވަޑައިގެންނެވި އިސް ބޭފުޅުންގެ ތެރޭގައި އެމްޑީޕީގެ ޗެއާޕާސަން ހަސަން ލަތީފު ވެސް ހިމެނިވަޑައިގަންނަވާ
ޙުސައިން ޙަސަން
އުކުޅަހުގައި ބާއްވާ އެމްޑީޕީގެ ކޮންގްރެސްގައި ނިންމާނެ ކަންތައްތަކާމެދު އެތައް ބަޔަކު ގެންދަނީ އިންތިޔާޒު ކުރަމުން. ހާއްސަކޮށް އެމްޑީޕީގެ އާންމު މެމްބަރުން. ރައީސް މުހައްމަދު ނަޝީދުގެ ރިޔާސީ އިންތިހާބުގައި ވާދަ ނުކުރައްވަން ނިންމެވުމުން، ދެން އެ ޕާޓީން ކެންޑިޑޭޓަކު ކަނޑައެޅުމުގައި އަމަލު ކުރައްވާނެ ގޮތް ކޮންގްރެސްއިން ނިންމާނެ. އެ ނިންމުންތަކަށް ދެވޭނީ އަސާސީ ގަވާއިދު އިސްލާހުކޮށްގެން.
އަހްމަދު ސާއިފް ޝިޔާދް
މާދަމާ އޮންނަ އެމްޑީޕީގެ ކޮންގްރެސްއަށް އއ. އުކުޅަހުން ދަނީ އެންމެފަހުގެ ތައްޔާރީތައް ވަމުން. ރަށުގައި ވަނީ ދިދަ ފަތިތަކާއި ދިދަތައް ޖެހި އެއްކޮށް ޖަރީކޮށްފައި
MDP Congress ge enme fahuge thahyaaree thah Ukulhahugai kuriyah dhanee | #MDP_Congress2018 | @Raajje_tv pic.twitter.com/XFa77L2UYZ
— raajje.mv (@raajjemv) June 29, 2018
އަހްމަދު ސާއިފް ޝިޔާދް
އެމްޑީޕީގެ ކޮންގްރެސްގައި ބައިވެރިވާ މަންދޫބުންނަށް ގްރީން ޒޯނުން ނުފުރޭނެ ކަމަށް ބުނެ ފުލުހުން އިންޒާރުދީފި އެވެ. ފުލުހުންގެ ތަރުޖަމާނު އަހުމަދު ޝިފާން ވިދާޅުވީ ގްރީން ޒޯންގެ ގޮތުގައި ކަނޑައެޅިފައިވާ ސަރަހައްދަށް މީހުން އެއްކޮށް ސިޔާސީ ޕާޓީއެއްގެ ކޮންގްރެސްގެ ނަމުގައި ގާނޫނާ ހިލާފް އަމަލުތަކެއް އެސަރަހައްދުގައި ހިންގަން ރާވަމުންދާ ކަމުގެ މައުލޫމާތު ލިބިފައިވާ ކަމަށެވެ. މިހެންކަމުން ގާނޫނާއި ގަވާއިދާއި ހިލާފު އެއްވެސް އަމަލެއް ގްރީން ޒޯންގައި ހިންގަން ފުރުސަތު ނުދޭނެ އެފަދަ އަމަލެއް ކުރަން އުޅޭ ފަރާތްތަކާއި މެދު ގާނޫނީ ފިޔަވަޅު އަޅާނެ ކަމަށް ވެސް ޝިފާން ވިދާޅުވި އެވެ.
ޙުސައިން ޙަސަން
އެމްޑީޕީގެ ތިން ވަނަ ކޮންގްރެސްގައި ބައިވެރިވުމުގެ ހައްގު ލިބިގެންވާ ބައެއް މަންދޫބުން އއ. އުކުޅަހަށް އަންނަން ފަށައިފިއެވެ.
އިދިކޮޅު އެންމެ ބޮޑު ޕާޓީ، އެމްޑީޕީގެ ކޮންގްރެސްގައި ބައިވެރިވުމުގެ ހައްލު ލިބިގެންވާ މަންދޫބުންގެ އަދަދަކީ 1184 މީހުންނެވެ. އެ މަންދޫބުންގެ ތެރެއިން ރަޖިސްޓްރޭޝަން ފުރިހަމަ ކުރުމަށްފަހު ބައެއް މަންދޫބުން އުކުޅަހަށް އަންނަން ފަށާފައި ވަނީ ހުކުރު ދުވަހުގެ މެންދުރުފަހުއެވެ. އުކުޅަހަށް ބައެއް މަންދޫބުންގެ ވަޑައިގެންނެވީ ކޮންގްރެސްގެ އިންތިޒާމަށް ވަޑައިގެންނެވި އެޑްވާސް ޓީމުތަކާއެކުގައެވެ. ކޮންގްރެސްގެ މަންދޫބުން އެ ރަށަށް ރަސްމީކޮށް ދާން ފަށާނީ ހޮނިހިރު ދުވަހުގެ ހެނދުނު 7:00 ފެށިގެންނެވެ.
މަންދޫބުން އުކުޅަހަށް ގެންދާނީ ސާޅީހަށް ވުރެ ގިނަ ކަނޑު އުނޅަދުގައެވެ.
އަހްމަދު ސާއިފް ޝިޔާދް
އެމްޑީޕީގެ ތިންވަނަ ކޮންގްރެސް އާއި ގުޅިގެން ރާއްޖެޓީވީއިން ކުރިޔަށް ގެންދިޔުމަށް ނިންމާފައިވާ ހާއްސަ ކަވަރޭޖް މިރޭ 21:15 ގައި ވަނީ ފެށުމަށް ހަމަޖެހިފައެވެ. މިރޭގެ ކަވަރޭޖްގައި މާލޭގައި ކުރިޔަށްދާ އެންމެފަހުގެ ތައްޔާރީތަކާއި ކޮންގްރެސްއަށް އުކުޅަސް ތައްޔާރުވެފައިވާ މިންވަރު ގެނެސްދޭނެއެވެ. ހަމައެހެންމެ ކޮންގްރެސްއާއި ގުޅިގެން އެމްޑީޕީގެ އިސް ސަފުގައި ހަރަކާތްތެރިވާ ބައެއް ފަރާތްތަކުގެ ބަސް ވެސް ގެނެސްދިނުމަށް ވަނީ ނިންމާފައެވެ.
We will be commencing our exclusive coverage on the 3rd Congress of Maldivian Democratic Party tonight at 21:15. Stay tuned to @Raajje_tv and keep following @raajjemv and @RaajjeTVLive for the latest updates on #MDP_Congress2018. pic.twitter.com/Xnh5WBr6L1
— RaajjeTVPR (@Raajje_tvPR) June 29, 2018
އަބުދުﷲ ނަސީރު އިބްރާހިމް
އަބުދުﷲ ނަސީރު އިބްރާހިމް
ޙުސައިން ޙަސަން
އެމްޑީޕީ ކޮންގްރެސް އިވެންޓް މެނޭޖަރު އަސްލަމް ޝާކިރު ވިދާޅުވީ އުކުޅަހުގައި ބާއްވާ ކޮންގްރެސްއަށް 600 އާއި 800 ދެމެދުގެ އެމްޑީޕީ މަންދޫބުން އަންނާނެ ކަމަށް. އެމްޑީޕީ ކޮންގްރެސްގައި ބައިވެރިވުމުގެ ޝަރުތު ލިބިގެން ވަނީ 1184 މީހުންނަށް.
ޙުސައިން ޙަސަން
އާބާދީގައި 1105 މީހުން ދިރިއުޅޭ އުކުޅަށް ހޮނިހިރު ދުވަހު، 15،00 އެއްހާ މީހުން ޖަމާވާނެ. އެމްޑީޕީގެ ކޮންގްރެސްއަށް އަންނަ 800 މީހުންނާއި އެ ޕާޓީގެ ސަޕޯޓަރުންނާއި ދައުވަދު ދީގެ ވަޑައިގަންނަވާ ބޭފުޅުންނަށް ވަރަށް ފުރިހަމަ އިންތިޒާމުތަކެއް ވަނީ ރޭވިފައި.
DeNaseer
AzuAzlifa
Saaif80
hucenhassan
ސައިޓުގެ ހުރިހާ ހައްގުތަކެއް ލިބިގެންވަނީ ރާއްޖެ ޓެލެވިޜަން އަށެވެ.