ބުދަ ދުވަހުން ފެށިގެން ހަވީރު 4ން ފަތިހު 4ށް ބޭރުގައި އުޅުން މަނާކޮށްފި
13 މެއި އިން ފެށިގެން ދެކުނު އޭޝިޔާގެ ގައުއުމުތަކުގެ ފަތުރުވެރިންނަށް ޓުއަރިސްޓް ވިސާ ދިނުން ވަގުތީ ގޮތުން މެދުކަނޑާލުމަށް އެޗްޕީއޭއިން މިހާރު ވަނީ ނިންމާފަ
ހަވީރު 4ން ފަތިހު 4ށް ބޭރުގައި އުޅުން މަނާކުރުން
ކޮވިޑް-19 ގެ ހާލަތުން ރައްކާތެރިވުމަށް އަޅަމުންދާ ފިޔަވަޅުތަކުގެ ތެރެއިން، 12 މެއި އިން ފެށިގެން ހަފުތާއެއްގެ މުއްދަތަށް މާލެ ސަރަހައްދުގައި ހަވީރު 04:00 އިން ފަތިހު 4:00 އާއި ދެމެދު ބޭރަށް ނިކުމެ އުޅުން މަނާކުރުމަށް އެޗްޕީއޭއިން ނިންމައިފިއެވެ.
ކޮވިޑް 19 ބަލިމަޑުކަން ފެތުރޭ މިންވަރު އިންތިހާއަށް އިތުރުވެފައި ވާތީ ޚާއްސަ ގިނަ ފިޔަވަޅުތަކެއް އެޅުމަށް އެޗްޕީއޭއިން ވަނީ ނިންމާފައެވެ.
އެގޮތުން މާލޭގައި ހިންގާ ކާފިއުގެ ވަގުތު އިތުރުކުރުމަށް އެޗްޕީއޭއިން ނިންމާފައިވީ ނަމަވެސް ފުލުހުންގެ ޚާއްސަ ހުއްދައިގެ ދަށުން ޑެލިވަރީގެ ޚިދުމަށް ކުރިއަށް ގެންދެވޭނެ ކަމަށް އެޗްޕީއޭއިން ބުނެއެވެ. ޑެލިވަރީގެ ޚިދުމަތް ދިނުމަށް ނިންމާފައި ވަނީ ކޮންމެ ދުވަހެއްގެ ވެސް މެންދަމު 12 އާ ހަމައަށެވެ.
އެޗްޕީއޭއިން ކަނޑައަޅާފައިވާ އުސޫލުތަކާ ޚިލާފުވާ ވިޔަފާރިތައް 24 ގަޑިއިރަށް ބަންދު ކުރުމަށް ވަނީ ނިންމާފައެވެ.
ކޮވިޑްގެ ފިޔަވަޅުތައް ވަރުގަދަ ކުރުމުގެ ގޮތުން 13 މެއި އިން ފެށިގެން ދެކުނު އޭޝިޔާގެ ގައުއުމުތަކުގެ ފަތުރުވެރިންނަށް ޓުއަރިސްޓް ވިސާ ދިނުން ވަގުތީ ގޮތުން މެދުކަނޑާލުމަށް ވެސް އެޗްޕީއޭއިން މިހާރު ވަނީ ނިންމާފައެވެ.
