ރައީސް ސާލިހުގެ މައިކަނބަލުން ކޮވިޑަށް ޕޮޒިޓިވްވެއްޖެ

ރައީސުލްޖުމްހޫރިއްޔާ އިބްރާހިމް މުހައްމަދު ސާލިހުގެ މައިކަނބަލުން ކޮވިޑް-19 އަށް ޕޮޒިޓިވްވެ، ހޮސްޕިޓަލުގައި އެޑްމިޓްކޮށްފިއެވެ.

ރާއްޖެ އެމްވީއަށް މަޢުލޫމާތު ލިބިފައިވާގޮތުގައި ރައީސްގެ މައިކަނބަލުން ކޮވިޑް-19އަށް ޕޮޒިޓިވްވެފައިވަނީ މިއަދުގެ ވަގުތެއްގައެވެ. އެކަމަނާ މިހާރުވަނީ ދަރުމަވަންތަ ހޮސްޕިޓަލްގެ 17 ވަނަ ފަންގިފިލާގައި އެޑްމިޓްކޮށްފައެވެ. ރައީސްގެ މައިކަނބަލުން އެޑްމިޓްކުރިޔަސް ހާލުކޮޅު ރަނގަޅުކަމަށް މައުލޫމާތު ލިބެއެވެ. އުމުރުފުޅުން 77 އަހަރުގެ މައިކަނބަލުންނާކު ރައީސުލްޖުމްހޫރިއްޔާގެ ސެކްރެޓަރީ، ޕްރެޒިޑެންޝަލް ޕްރޮޓޮކޯލް އަދި ރައީސްގެ ކޮއްކޯފުޅު ފާތިމަތު ސާލިހު ވަނީ އެޑްމިޓްވެފައެވެ.

ރައީސްގެ މައިކަނބަލުން ކޮވިޑަށް ޕޮޒިޓިވްވެފައިވާއިރު، ރައީސް ސާލިހުގެ އަނބިކަނބަލުން އަދި ފަސްޓް ލޭޑީ ފަޒްނާ އަހުމަދުވެސް ވަނީ މީގެ ދުވަސްކޮޅެއް ކުރިން ކޮވިޑް-19 އަށް ޕޮޒިޓިވްވެފައެވެ. އެކަމަނާ މިހާރު ވަނީ ބަލިން ފަސޭހަފުޅުވެފައެވެ.