ލީކުނުވާނެކަމުގެ ޔަގީންކަން ދީފައިވަނިކޮށް ކެމިސްޓްރީ ޕޭޕަރު ވެސް ލީކުކޮށްލައިފި
3 މެއި 2021 | ހޯމަ 08:20މިދިޔަ ހަފުތާގެ ތެރޭގައި އޭލެވެލްގެ ފިޒިކްސް ޕޭޕަރުގެ އިތުރުން ބައޮލޮޖީ ޕޭޕަރުވެސް ވަނީ ލީކު ކޮށްލާފައި
އިމްތިހާނެއް ކުރިއަށް ދަނީ
އިމްތިހާނު ފެށުމުގެ ކުރިން އޭލެވެލްގެ ކެމިސްޓްރީ ޕޭޕަރު ލީކު ކޮށްލައިފިއެވެ.
ކެމިސްޓްރީ ޕޭޕަރު ލީކު ކޮށްލާފައި ވަނީ ހޯމަ ދުވަހުން ފެށިގެން އިތުރު އެއްވެސް ޕޭޕަޕަރެއް ލީކު ނުވާނެކަމުގެ ބޮޑު ޔަގީންކަމެއް އެޑެކްސެލްއިން ރާއްޖެއަށް ދީފައިވާކަމަށް އެޑިއުކޭޝަން މިނިސްޓްރީން ބުނެފައި ވަނިކޮށެވެ.
'ރާއްޖެއެމްވީއަށް' އެނގިފައިވާގޮތުން ހޯމަދުވަހުގެ މެންދުރު ފަހު 13:30ށް ތާވަލުކޮށްފައިވާ ކެމިސްޓްރީ ޕޭޕަރު ލީކްވެފައި ވަނީ ހެނދުނުގެ ވަގުތުގައެވެ.
މިދިޔަ ހަފްތާގެ ތެރޭގައި އޭލެވެލްގެ ފިޒިކްސް ޕޭޕަރުގެ އިތުރުން ބައޮލޮޖީ ޕޭޕަރުވެސް ވަނީ ލީކު ކޮށްލާފައެވެ. އެކަމަކު މި ޕޭޕަރުތައް ލީކުވެފައިވަނީ ރާއްޖޭގެ ސެންޓަރަކުން ނޫންކަމަށް އެޑިއުކޭޝަނުން މައުލޫމަތުދެއެވެ.
އޭލެވެލްގެ ބައެއް އިމްތިހާނުތަކުގެ ޕޭޕަރުތައް ލީކުވި މައްސަލަ މިދިޔަ ހަފްތާގެ ތެރޭގައި ވަނީ ވަރަށް ބޮޑަށް ހޫނުވެފައެވެ. އަދި ރާއްޖޭގައި އިމްތިހާނު އޮތް ވަގުތުގެ ކުރިން އެ ޕޭޕަރުތައް ބައެއް ކުދިންނަށް ފެނިފައިވާތީ ގިނަ ދަރިވަރުންތަކެއް އަންނަނީ ކަންބޮޑުވުން ފާޅުކުރަމުންނެވެ.
