ރައްޔިތުން ބިކަކޮށް ކުރިއަށްދާތީ މިސަރުކާރު ދަތި އަޅުވާ ވައްޓާލައިފި: މަލީހު
7 މެއި 2017 | އާދީއްތަ 10:54ރައްޔިތުން ސާބިތުކަމާއި އެކު އެބުނީ ގައުމު ހިންގާގޮތާއި މެދު އެއްވެސް ގޮތަކަށް، ހިތްހަމަ ނުޖެހޭކަން ކަމަށް
މަލީހު
ރައްޔިތުން ބިކަ ކޮށް ކުރިއަށްދާތީ މިސަރުކާރު ދަތި އަޅުވާ ވައްޓާލައިފި ކަމަށް މިސަރުކާރުގެ ކުރީގެ ޔޫތު މިނިސްޓަރ މުހައްމަދު މަލީހު ޖަމާލު ވިދާޅުވެއްޖެއެވެ.
މަލީހު މިހެން ވިދާޅުވީ ހޯމަދުވަހު ކުރެއްވި ޓްވީޓުތަކެއްގައެވެ.
ލޯކަލް ކައުންސިލް އިންތިޚާބުގެ ނަތީޖާއާއި ގުޅޭ ގޮތުން މަލީހު ކުރައްވާފައިވާ ޓްވީޓުގައި ވިދާޅުވެފައި ވަނީ ރައްޔިތުން ސާބިތުކަމާއެކު އެބުނީ ގައުމު ހިންގާގޮތާއި މެދު އެއްވެސް ގޮތަކަށް، ހިތްހަމަ ނުޖެހޭކަން ކަމަށެވެ.
މަލީހު ވިދާޅުވީ ރައްޔިތުން ވަރަށް ސާބިތުކަމާއެކު ގައުމު ހިންގާ ގޮތާއި މެދު އެއްގޮތަކަށްވެސް ހިތްހަމަ ނުޖެހޭކަމަށެވެ. އަދި ލޯކަލް ކައުންސިލް އިންތިޚާބު އިދިކޮޅު ފަރާތްތަކަށް ކާމިޔާބު ކުރެވުނީތީ ރައްޔިތުންނަށް ޝުކުރު އަދާކުރާކަމަށް މަލީހު ވިދާޅުވިއެވެ.
މަލީހު ކުރެއްވި އެހެން ޓްވީޓެއްގައި ވިދާޅުވީ ރާއްޖޭގެ ޑިމޮކްރަސީ ހަލާކެއް ނުކުރެވޭނެ ކަމަށެވެ.
މީގެ އިތުރުން މި ލިބުނު ފިލާވަޅުން އެމްޑީއޭ ކައުންސިލް މާދަމާ ބޭއްވުމަށްފަހު މި ސަރުކާރާއެކު އޮތް ކޯލިޝަން ރައްޔިތުންގެ ނިންމުމާ އެއްގޮތަށް ރޫޅާލާނެކަމަށް އުއްމީދު ކުރައްވާކަމަށް މަލީހު ވިދާޅުވިއެވެ.
