އެމްޑީޕީ އޮފީހުގެ ބިއްލޫރިގަނޑު ތަޅާލައިފި
މި މައްސަލަ ފުލުހުން އަންނަނީ ތަހުގީގު ކުރަމުން
މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ އޮފީހަށް ގެއްލުން ދީފައި
މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ އޮފީސް އިމާރާތުގެ ބިއްލޫރިގަނޑު ތަޅާލައިފިއެވެ.
މޯލްޑިވްސް ޕޮލިސް ސާވިސް އިން ބުނީ އަންގާރަ ދުވަހުގެ ހަވީރު 16:50 ހާއިރު އެމްޑީޕީ އޮފީހުގެ ބިއްލޫރިގަނޑު ތަޅާލައި ގެއްލުން ދީފައިވާ ކަމުގެ މައްސަލައެއް ފުލުހުންނަށް ހުށަހަޅާފައިވާ ކަމަށާއި، މި މައްސަލަ ތަހުގީގު ކުރަމުން އަންނަ ކަމަށެވެ.
މައުލޫމާތު ލިބިފައިވާ ގޮތުގައި އެމްޑީޕީ އޮފީހުގެ ބިއްލޫރިގަނޑު ތަޅާލާއިފައިވަނީ ގާބުރިއަކުން ޖަހައެވެ.
އެމްޑީޕީ އޮފީހުގެ ބިއްލޫރިގަނޑު ތަޅާލައިފައި މިވަނީ އަންގާރަ ދުވަހު އިލެކްޝަން ކޮމިޝަނުގެ އިންތިޚާބާ ބެހޭ މަރުކަޒު ހުންނަ ސަރަހައްދުގައި ބޮޑު ހަމަނުޖެހުމެއް ހިނގާފައި ވަނިކޮށެވެ. ހަމަނުޖެހުން ހިނގި ވަގުތު ރައީސް ނަޝީދު ވެސް އެ ހިސާބުގައި ހުންނެވިއެވެ. އެކަމަކު އީސީގެ އެތެރެއަށް ވެދެވަޑައިނުގަންނަވައެވެ.
