ލޯކަލް ކައުންސިލްތަކުގެ އިންތިޚާބުގައި އެމްޑީޕީއަށް ނާކާމިޔާބުވި ދައިރާތަކުގައި އިތުރަށް ކުރަންޖެހޭ މަސައްކަތް ދެނެގަނެ އެ މަސައްކަތް ކުރައްވާނެކަމަށް އެމްޑީޕީގެ ޗެއަރޕާސަން ޙަސަން ލަތީފް ވިދާޅުވެއްޖެއެވެ.
ހަސަން ލަތީފް މިހެން ވިދާޅުވީ، ހޮނިހިރު ދުވަހު ބޭއްވި ކައުންސިލް އިންތިޚާބުގެ ވަގުތީ ނަތީޖާ ދައްކާ ގޮތުން މާލެ ސިޓީގެ މޭޔަރުގެ ގޮނޑިއާއި، މެޖޯރިޓީވެސް އެމްޑީޕީއަށް ގެއްލިފައިވަނިކޮށެވެ. މާލެ ސިޓީއަކީ މަލްޓިޕާޓީ ޑިމޮކްރަސީގެ ތެރެއިން ބޭއްވި ކޮންމެ އިންތިޚާބެއްވެސް ބޮޑު ތަފާތަކުން އެމްޑީޕީން ކާމިޔާބު ކުރާ ސިޓީއެކެވެ. މާލެ ސިޓީފިޔަވައި އެހެން ހުރިހާ ސިޓީއެއްގެ މޭޔަރުގެ ގޮނޑި އެމްޑީޕީންވަނީ ކާމިޔާބުކޮށްފައެވެ.
ޙަސަން ލަޠީފް ކުރެއްވި ޓްވީޓެއްގައި ވަނީ އެމްޑީޕީއަށް ގޮނޑި ކާމިޔާބުވި ދާއިރާތަކަށް މަރުހަބާ ވިދފައެވެ. އަދި އެޕާޓީއަށް މި އިންތިޚާބުގައި ކާމިޔާބުނިވި ދާއިރާތަކުގައި ކުރަންޖެހޭ މަސައްކަތް ދެނެގަނެ އެ މަސައްކަތްކުރައްވާނެކަމަށް ޙަސަން ވިދާޅުވިއެވެ.
