އަތޮޅުތަކުން ދެވަނަ ޑޯޒްގެ ވެކްސިން ޖެހި ފުރަތަމަ ދުވަހު ވެކްސިން ޖެހީ 45 މީހުން
އަތޮޅުތަކުގައި ދެވަނަ ޑޯޒް ޖެހި ފުރަތަމަ ދުވަހު ވެކްސިންޖެހީ 45 މީހުން
އައްޑޫ ސިޓީގައި ވެކްސިން ދިނުމުގެ ޕްރޮގްރާމް ފަށައިފި
އަތޮޅުތަކުން ދެވަނަ ޑޯޒްގެ ވެކްސިން ޖެހި ފުރަތަމަ ދުވަހު ވެކްސިން ޖެހީ 45 މީހުންކަމަށް އެޗްޕީއޭއިން ހާމަކޮށްފިއެވެ.
އާދިއްތަ ދުވަހު ވެކްސިން ޖެހީ 5163 މީހުންކަމަށް ހެލްތް ޕްރޮޓެކްޝަން އޭޖެންސީ، އެޗްޕީއޭއިން ވަނީ ހާމަކޮށްފައެވެ.
އާދިއްތަ ދުވަހަކީ، މާލެ ސަރަހައްދުގައި ކޮވިޑް-19ގެ ދެވަނަ ޑޯޒް ޖަހަން ފެށިތާ ދެވަނަ ދުވަސްކަމުގައިވާއިރު، އާދިއްތަ ދުވަހު ދެވަނަ ޑޯޒް ޖަހާފައިވަނީ 1969 މީހުންނެވެ. މީގެ އިތުރުން އަތޮޅުތަކުން 47 މީހުންނާއެކު ޖުމުލަ 2016 މީހުން ވަނީ ވެކްސިންގެ ދެވަނަ ޑޯޒް ރާއްޖޭގައި ޖަހާފައެވެ. މިއީ އަތޮޅުތަކުން ދެވަނަ ޑޯޒް ވެކްސިން ޖެހި ފުރަތަމަ ދުވަހެވެ. މިއާއެކު ދެވަނަ ޑޯޒްޖެހިމީހުންގެ ޖުމުލަ އަދަދު ވަނީ 3،737އަށް އަރާފައެވެ.
އާދިއްތަ ދުވަހު ވެކްސިންގެ ފުރަތަމަ ޑޯޒް 3،147 މީހަކު ވަނީ ޖަހާފައެވެ. އޭގެތެރެއިން މާލެއިން 390 މީހަކު ވެކްސިން ޖެހިއިރު އަތޮޅުތެރެއިން 2757 މީހަކު ވަނީ ވެކްސިން ޖަހާފައެވެ.
މިއާއެކު ރާއްޖޭގައި ފުރަތަމަ ޑޯޒް ޖެހި މީހުންގެ ޖުމްލަ އަދަދު ވަނީ 246،896ށް އަރާފައެވެ.
ރާއްޖޭގައި ކޮވިޑް ވެކްސިނޭޝަން ޕްރޮގްރާމް ފަށާފައިވަނީ ފެބްރުއަރީ މަހުގެ 1 ވަނަ ދުވަހުއެވެ. އެންމެ ފުރަތަމަ ރާއްޖޭގައި ޖެހީ ކޮވިޝީލްޑް ވެކްސިނެވެ. އެއަށްފަހު މިހާރު ޖަހަމުން އަންނަނީ ސިނޯފަރމް ވެކްސިނެވެ.
