ކޮވިޑްގައި އިތުރު މީހަކު މަރުވެއްޖެ

ކޮވިޑް 19 ޖެހިގެން ރާއްޖޭން އިތުރު މީހަކު މަރުވެއްޖެއެވެ.

ކޮވިޑް ބަލީގައި ބުދަ ދުވަހު މަރުވެފައިވަނީ، 66 އަހަރުގެ ފިރިހެނެއްކަމަށް އެޗްޕީއޭއިން މައުލޫމާތު ދެއެވެ.

އެޗްޕީއޭއިން ބުނިގޮތުގައި އެމީހާ ހޮސްޕިޓަލަށް ގެނެވިފައިވަނީ ބުދަ ދުވަހުގެ މެންދުރު 12:27 ހާއިރުއެވެ. އެމީހާ ހޮސްޕިޓަލަށް ގެނެވުނުއިރު ވެސް ހަރަކާތް ހުއްޓިފައިވާކަމަށާއި، މަރުވެފައިވާކަމަށް ޑޮކްޓަރުން ނިންމެވީ 12:35 ހާއިރު ކަމަށް އެޗްޕީއޭއިން ބުނެއެވެ.

 މިއީ ކޮވިޑް ޖެހިގެން ރާއްޖެއިން މަރުވި 67 ވަނަ މީހާއެވެ.

މިހާތަނަށް ރާއްޖޭން ޖުމްލަ 23,838 މީހަކަށް ކޮވިޑް ޖެހިފައިވާއިރު ބަލިން ރަނގަޅުވެފައިވަނީ، 20,979 މީހުންނެވެ. އެކްޓިވް ކޭސްތަކުގެ ޖުމްލަ އަދަދަކީ 2,787 ކެވެ. އޭގެތެރެއިން 91 މީހަކަށް ހޮސްޕިޓަލުގައި ގެންދަނީ ފަރުވާދެމުންނެވެ.