އިތުރު 167 މީހުން ޕޮޒިޓިވްވެއްޖެ
30 މާރިޗު 2021 | އަންގާރަ 17:57މާލެ ސަރަހައްދުން ޕޮޒިޓިވްވީ 86 މީހުން
ރެންޑަމް ސާމްޕަލް ނެގުމުގެ މަސައްކަތް
އިތުރު 167 މީހުން ރާއްޖެއިން ކޮވިޑް-19ށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖްނެސީން އާންމުކޮށްފައިވާ މައުލޫމާތުތައް ދައްކާގޮތުން އަންގާރަ ދުވަހު ޕޮޒިޓިވްވި 167 މީހުންގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވްވި 86 މީހުންނާއި އަތޮޅުތެރެއިން ޕޮޒިޓިވްވި 59 މީހުންގެ އިތުރުން ސިނާއީ ރަށަކުން ޕޮޒިޓިވްވި މީހެކެވެ.
އެޗްޕީއޭގެ ތަފާސްހިސާބުތައް ދައްކާގޮތުން ރާއްޖެ އިން ކޮވިޑަށް ޓެސްޓުކުރުމަށް 647،093 ސާމްޕަލް ނަގާފައިވާއިރު، ޕޮޒިޓިވްވި މީހުންގެ ޖުމްލަ އަދަދު ވަނީ 23،838ށް އަރާފައެވެ. އަދި ބަލިން ރަނގަޅުވި އިތުރު 145 މީހުންނާއު އެކު ބަލިން ރަނގަޅުވި މީހުންގެ ޖުމްލަ އަދަދު ވަނީ 20،984ށް އަރާފައެވެ.
މިވަގުތު 2،780 މީހުން ބައްޔަށް ފަރުވާ ހޯދަމުންދާއިރު، އެޑްމިޓްކޮށްގެން ފަރުވާދެމުން ދަނީ 91 މީހުންނަށް ކަމަށް އެޗްޕީއޭ އިން ބުނެއެވެ.
ކޮވިޑް-19 ޖެހިގެން 66 މީހުން ވަނީ ނިޔާވެފައެވެ.
މާލެ ސަރަހައްދުގެ ކޮވިޑް ކޭސްތައް ކޮންޓްރޯލްވެފައި ނުވާއިރު، އަތޮޅުތެރެއިން ފެންނަ ކޭސްތައް ދަނީ އިތުރުވަމުންނެވެ. ޕޮޒިޓިވް ކޭސްތައް ފެނި އަތޮޅު ތެރޭގެ ރަށްތައް ދަނީ މޮނިޓަރިންގެ ހާލަތަށް ލަމުންނެވެ.
