ކޮވިޑް-19: ޚާއްސަ ކެޓެގަރީގެ މީހުންނަށް ވެކްސިން ޖަހަން ފަށާނީ ހޮނިހިރު ދުވަހު

ޚާއްސަ ކެޓެގަރީގެ މީހުންނަށް ކޮވިޑް-19ގެ ފުރަތަމަ ޑޯޒް ދިނުން، އަންނަ ހޮނިހިރު ދުވަހު ފަށާނެ ކަމަށް އެޗްޕީއޭއިން ބުނެފިއެވެ. ކޮވިޑް-19ގެ ފުރަތަމަ ޑޯޒް ދިނުން މެދުކަނޑަލީ މާރިޗް 15 ގައެވެ. ވެކްސިންގެ ފުރަތަމަ ޑޯޒް ދިނުން މެދުކަނޑާލި ނަމަވެސް ޚާއްސަ ކެޓެގަރީ ތަކުގެ މީހުންނަށް ވެކްސިން ދޭ ގޮތަށް އޮތީ ހަަމަޖެހިފައެވެ.

ޚާއްސަ ކެޓަގަރީގައި ހިމެނެނީ އުމުރުން ދުވަސްވީ މީހުންނާއި، ބޮޑެތި ބަލިތަކުގައި އުޅޭ މީހުންނާއި، ކޮވިޑަށް ޕޮޒިޓިވްވެ މިހާރު އެކަހެރިވެފައިވާ މީހުންނެވެ. ވެކްސިން ދިނުން މެދުކަނޑާލިއިރު ކަރަންޓީނުގައި ތިބި މީހުންނާއި، ރާއްޖެއިން ބޭރުން ދަތުރުކުރުމަށް ފަހު ކަރަންޓީނުގައި ތިބި މީހުންނާއި، މާލެއިން ދަތުރުކުރުމަށް ފަހު ކަރަންޓީނުގައި ތިބި މީހުންނާއި ބައްޔެއް ނުވަތަ ސިއްހީ ހާލަތެއްގެ ސަބަބުން ވެކްސިން ޖެހުން ލަސްކުރަން ޖެހުނު މީހުން ވެސް މިމަހުގެ 20ގެ ފަހުން ވެކްސިން ޖެހޭނެ އިންތިޒާމް ވަނީ ހަމަޖައްސާފައެވެ.

ވެކްސިންގެ ފުރަތަމަ ޑޯޒް މެދުކަނޑާލުމަށް އިއުލާން ކުރުމުން، މާލެ ސަރަހައްދުގައި ވެކްސިން ދިނުމަށް ޚާއްސަ މަރުކަޒުތަކުގެ ބޭރުގައި ގިނަ އަދަދެއްގެ އާންމުން ކިއުގައި ޖެހުނެވެ.

ރާއްޖޭގައި ކޮވިޑް ވެކްސިންގެ ފުރަމަ ޑޯޒް ދިނުމަށް ފެށީ ފެބުރުއަރީ މަހުގެ 1 ގައެވެ. ފުރަތަމަ ޑޯޒް ދިނުން މެދުކަނޑާލި އިރު މުޅި ރާއްޖެއިން 212،711 މީހުންނަށް ވެކްސިން ދީފައިވެއެވެ. އެއީ، އަތޮޅު ތަކުން 91،081 މީހުންނާއި 121،630 މީހުންނެވެ.