ރާއްޖެއިން ކޮވިޑް ވެކްސިން ޖެހި މީހުންގެ އަދަދު ދެ ލައްކައާ ގާތަށް
13 މާރިޗު 2021 | ހޮނިހިރު 18:16ހޯމަ ދުވަހު ވެކްސިންގެ ފުރަތަމަ ޑޯޒު ޖެހުން ހުއްޓާލި ނަމަވެސް ވަކި އުމުރުފުރާއެއްގެ މީހުންނަށް ވެކްސިން ދޭނެ ކަމަށް އެޗްޕީއޭއިން ބުނޭ
އައްޑޫގައި ވެކްސިން ދިނުމުގެ ޕްރޮގްރާމްގެ ތެރެއޮމް، ވެކްސިންގެ ފުރަތަމަ ޑޯޒު ޖަހައިދޭނީ މި މަހުގެ 15 ވަނަ ދުވަހުގެ ނިޔަލަށް
ހޮނިހިރު ރާއްޖެއިން 9،770 މީހުން ކޮވިޑްގެ ވެކްސިން ޖަހާފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)ން ބުނެފިއެވެ.
އެޗްޕީއޭއިން އެންމެ ފަހުން ނެރުނު ތަފާސް ހިސާބުތައް ދައްކާ ގޮތުން ހޮނިހިރު ދުވަހު މާލެ ސަރަހައްދުން 5،859 މީހުން ވަނީ ވެކްސިން ޖަހާފައެވެ. އަދި އަތޮޅު ތެރެއިން 3،911 މީހުން ވެކްސިން ޖަހާފައިވާއިރު، ރާއްޖެއިން މުޅި ޖުމްލަ ވެކްސިން ޖެހި މީހުންގެ އަދަދު ވަނީ 198،206ށް އަރައިފައެވެ. އަދި މާލެ ސަރަހައްދުން 111،695 މީހުން ވެކްސިން ޖަހާފައިވާއިރު، އަތޮޅު ތެރެއިން ވެކްސިން ޖަހާފައިވަނީ 86،511 މީހުންނެވެ.
އަންނަ ހޯމަ ދުވަހުގެ ނިޔަލަށް ވެކްސިންގެ ފުރަތަމަ ޑޯޒު ޖެހުމަށް ސަރުކާރުން ނިންމާފައިވާއިރު، މާލެ ސަރަހައްދުން ވެކްސިން ޖަހާ މީހުންގެ އަދަދު އަންނަނީ އިތުރުވަމުންނެވެ. އަދި ވެކްސިން ސެންޓަރު ތަކުގައި ކިއު ދަމާލާފައިވާއިރު، ވެކްސިން ޖެހުމަށް ގިނަ ވަގުތު ހޭދަވާ ކަމަށް އާންމުން އަންނަނީ ބުނަމުންނެވެ.
ހޯމަ ދުވަހު ވެކްސިންގެ ފުރަތަމަ ޑޯޒު ޖެހުން ހުއްޓާލި ނަމަވެސް ވަކި އުމުރުފުރާއެއްގެ މީހުންނަށް ވެކްސިން ދޭނެ ކަމަށް އެޗްޕީއޭއިން ބުނެއެވެ.
ރާއްޖޭގައި ކޮވިޑް-19 އަށް ވެކްސިން ޖެހުމުގެ ކަންތައް ކުރިއަށް ގެންދާއިރު، މިހާތަނަށް ރާއްޖޭގައި ބޭނުން ކުރުމުގެ ހުއްދަ ދީފައިވަނީ ހަމައެކަނީ އެސްޓްރަޒެނެކާ އާއި އޮކްސްފޯޑް ޔުނިވާރސިޓީގެ ދިރާސާގެ މައްޗަށް އިންޑިއާގެ ސިރަމް އިންސްޓިޓިއުޓުން އުފައްދާފައިވާ ކޮވިޝީލްޑް ވެކްސިނެވެ.
މާލެ ސަރަހައްދުގައި 8 ވެކްސިނޭޝަން ސެންޓަރާއި 2 މޮބައިލް ސެންޓަރު ހިމެނޭއިރު އަތޮޅުތަކުގައި 169 ވެކްސިން ސެންޓަރުން ވެކްސިން ދިނުމުގެ ކަންކަން ކުރިއަށްދާނެ ކަމަށް އެޗްޕީއޭއިން ބުނެއެވެ.
