އަދާލަތު ޕާޓީގެ ގައުމީ މަޖިލީސް އަންނަ މަހުގެ 11ގައި
28 ފެބުރުއަރީ 2021 | އާދީއްތަ 15:24ގައުމީ މަޖިލީސް ބާއްވަން ނިންމާފައިވަނީ މާރިޗް 11ން 13ށް
އަދާލަތު ޕާޓީގެ ބައްދަލުވުމެއްގެ ތެރެއިން
ތިން ވަނަ ދައުރެއް ފަށަން ބާއްވާ ގައުމީ މަޖިލިސް މާރޗް 11 ގައި ބާއްވަން ނިންމާފައިވާ ކަމަށް އަދާލަތު ޕާޓީން ބުނެފިއެވެ.
އަދާލަތު ޕާޓީން ބުނީ އެޕާޓީގެ 2 ވަނަ ދައުރު ނިންމައި 3 ވަނަ ދައުރު ފެށުމަށް ބާއްވާ ގައުމީ މަޖިލީސް، މާރޗް މަހުގެ 11ން 13ށް ބޭއްވުމަށް ނިންމާފައިވާ ކަމަށެވެ. އަދި ގައުމީ މަޖިލިސްގެ އެޖެންޑާގައި ހިމެނޭ އެއް އައިޓްމަކީ ގައުމީ މަޖިލީހަށް ހުށަހެޅޭ ކަރުދާސްތަކާއި މެދު މަޝްވަރާކޮށް ގޮތެއް ނިންމުން ކަމަށް އަދާލަތު ޕާޓީން ބުނެއެވެ.
އަދާލަތު ޕާޓީން ބުނީ އެޕާޓީގެ 3 ވަނަ ގައުމީ މަޖިލިސްއަށް ކަރުދާސް ހުށަހެޅުމުގެ ފުރުސަތު ހުޅުވާލާފައިވާ ކަމަށެވެ. އަދި މިކަމަށް ޝައުގުވެރިވާ ފަރާތްތަކުން މާރޗް މަހުގެ 10 ވަނަ ދުވަހުގެ މެންދުރު 2:00ގެ ކުރިން، އެޕާޓީގެ މައި އިދާރާއަށް، ނުވަތަ އީމެއިލް މެދުވެރިކޮށް ކަރުދާސް ހުށަހެޅުމަށް ވަނީ އެދިފައިވެއެވެ.
މިކަމާ ގުޅޭގޮތުން އެއްވެސް މައުލޫމާތެއް ސާފުކުރަން އެދޭނަމަ ޕާޓީގެ މައި އިދާރާގެ ނަންބަރު 3342671 އަށް ގުޅުމަށް ނުވަތަadmin@adhaalath.org.mvށް އީމެއިލް ކުރުމަށް އަދާލަތު ޕާޓީން ވަނީ އެދިފައެވެ.
އަދާލަތު ޕާޓީގެ ގައުމީ މަޖިލީސް ފުރަތަމަ ބާއްވަން ނިންމީ މިމަހުގެ 26 އަދި 27 ވަނަ ދުވަހުއެވެ.
