އައްޑޫއިން އިތުރު މީހަކު ޕޮޒިޓިވްވެ، ޑައިރެކްޓް ކޮންޓެކްޓުންގެ ގޮތުގައި 455 މީހުން
އައްޑޫން 87 މީހަކު މިހާތަނަށް ވަނީ ބައްޔަށް ޕޮޒިޓިވްވެފައި
އައްޑޫ ސިޓީ ހުޅުމީދޫ
އައްޑޫ ސިޓީން އިތުރު މީހަކު ޕޮޒިޓިވްވެ ޑައިރެކްޓު ކޮންޓެކްޓުންގެ ގޮތުގައި 455 މީހުން ތިބި ކަމަށް އައްޑޫ އެމަރޖެންސީ އޮޕަރޭޝަން ސެންޓަރުން ހާމަކޮށްފިއެވެ.
އައްޑޫ އެމަރޖެންސީ އޮޕަރޭޝަން ސެންޓަރުން އެންމެ ފަހުން ހާމަކުރި ތަފާސް ހިސާބުތައް ދައްކާ ގޮތުން ފާއިތުވެދިޔަ 24 ގަޑިއިރު ތެރޭގައި އައްޑޫން އެކަކު ކޮވިޑަށް ވަނީ ޕޮޒިޓިވްވެފައެވެ. އެއާއިއެކު އައްޑޫން މިހާތަނަށް ކޮވިޑަށް ޕޮޒިޓިވްވި މީހުންގެ އަދަދު ވަނީ 87ށް އަރައިފައެވެ.
އައްޑޫ އިމަރޖެންސީ އޮޕަރޭޝަން ސެންޓަރުން ބުނީ މިހާތަނަށް 455 މީހަކު ޑައިރެކްޓް ކޮންޓެކްޓުންގެ ގޮތުގައި ފާހަގަކުރެވިފައިވާ ކަމަށެވެ. އަދި 127 ބިލްޑިންގއެއް ކަރަންޓީނު ކުރެވިފައިވާ ކަމަށް އެ ސެންޓަރުން ބުނެއެވެ.
އައްޑޫން 47 މީހަކު ބަލިން ފަސޭހަވެފައިވާއިރު، އެކްޓިވް ކޭސްގެ އަދަދު އުޅެނީ 40 ގައެވެ.
އައްޑޫން ކޭސްތައް ފެނިފައިވާ ގޮތަށް ބަލާއިރު ހިތަދޫން 22 ކޭސް، މަރަދޫފޭދޫން 4 ، ފޭދޫން 17 ކޭސް، މީދޫން 9 ކޭސް އަދި އެމްޓީސީސީ ކްލަސްޓަރއިން 35 ކޭސް ފެނިފައިވެއެވެ.
