އިންޑިއާގައި ބަހެއް ފުރޮޅާލައި 39 މީހުން މަރުވެއްޖެ
16 ފެބުރުއަރީ 2021 | އަންގާރަ 12:37މަރުވި މީހުންގެ އާއިލާތަކަށް ފަސް ލައްކަ ރުޕީސް ދިނުމަށް ވަނީ ނިންމާފައި
ޝަރުދާ ކެނަލްގައި ރެސްކިއު ޓީމުން ހަރަކާތްތެރިވަނީ
އިންޑިއާގެ މަދިޔަ ޕްރަދޭޝް ސްޓޭޓްގައި ބަހެއް ފުރޮޅާލައިގެން ކެނަލަކަށް ވެއްޓި 39 މީހުން މަރުވެއްޖެއެވެ.
މަދުޔަ ޕްރަދޭޝްގެ އޮފިޝަލަކު ވިދާޅުވީ ސިދީ ޑިސްޓްރިކްޓުން ދުއްވާފައި ދިޔަ ބަސް ކޮންޓްރޯލުންނައްޓާލައި ޝަރުދާ ކެނަލްއަށް ވެއްޓުނުއިރު، ބަހުގައި 60 މީހުންތިބި ކަމަށެވެ. އަދި އެ ހާދިސާގައި ސަލާމަތްވީ ފަތާފައި އެއްގަމަށް އެރި 7 މީހުން ކަމަށް އޮފިޝަލު ވިދާޅުވިއެވެ. ސަލާމަތްވި މީހުންގެ ތެރޭގައި ބަސް ދުއްވި ޑްރައިވަރުވެސް ހިމެނެއެވެ.
މަދުޔަ ޕްރަދޭޝް ސަރުކާރުން ބުނީ ބަހުގައި ތިބި މީހުންގެ ތެރެއިން 39 މީހުން މަރުވެފައިވާ ކަމަށާއި، އަދި 7 މީހުން ސަލާމަތްވެފައިވާއިރު 14 މީހަކު ގެއްލިފައިވާ ކަމަށެވެ. އަދި ގެއްލުނު މީހުން ހޯދުމުގެ މަސައްކަތް ރެސްކިއު ޓީމުން ކުރަމުން އަންނަ ކަމަށް މަދިޔަ ޕްރަދޭޝްގެ ސަރުކާރުން ބުނެއެވެ.
މީގެއިތުރުން މަދިޔަ ޕްރަދޭޝް ސަރަހައްދީ ސަރުކާރުގެ އިސް އޮފިޝަލަކު ވިދާޅުވީ ބަސް އެކްސިޑެންޓުގައި މަރުވި މީހުންގެ އާއިލާތަކަށް ފަސް ލައްކަ ރުޕީސް ދިނުމަށް ނިންމާފައިވާ ކަމަށާއި، ބޮޑުވަޒީރު ނަރެންދުރަ މޯދީގެ އޮފީހުން މަރުވި މީހުންގެ އާއިލާތަކަށް އިތުރު ދެ ލައްކަ ރުޕީސް ދިނުމަށް ނިންމާފައިވާ ކަމަށެވެ.
