އަހަރުގެ ކޮވިޑް-19 ޖެހިގެން އިތުރު މީހަކު ރާއްޖޭގައި ނިޔާވެ، މި ބަލީގައި މަރުވި މީހުންގެ އަދަދު 58ށް އަރައިފިއެވެ.

ހެލްތް ޕްރޮޓެކްޝަން އޭޖެންސީ (އެޗްޕީއޭ)ން ބުނީ ނިޔާވެފައި ވަނީ ހާލު ދެރަވެގެން އިންދިރާ ގާނދީ މެމޯރިއަލް ހޮސްޕިޓަލް (އައިޖީއެމްއެޗް)ގެ އިމަރޖެންސީ ރޫމަށް ރޭ ދަންވަރު 03:17 އެހާކަންހާއިރު ގެންދިޔަ އުމުރުން 59 އަހަރުގެ ދިވެހި އަންހެނެއް ކަމަށެވެ.

ރާއްޖޭގައި ކޮވިޑް-19ގެ ހާލަތު ގޯސްވަމުން ދާއިރު ފާއިތުވި 24 ގަޑިއަރުގެ ތެރޭގައި ކޮވިޑް ޖެހިގެން 2 މީހަކު ވަނީ ނިޔާވެފައެވެ. އެގޮތުން ހޮސްޕިޓަލަށް ގެންދިޔަ އިރުވެސް ނިޔާވެފައިވާ މީހަކު ކޮވިޑަށް ޕޮޒިޓިވް ވެފައިވާކަން އެޗްޕީއިން ވަނީ ހާމަ ކޮށްފައެވެ.

އެޗް.ޕީ.އޭ.އިން ބުނިގޮތުގައި މި ބަލީގައި ނިޔާވީ ޙާލު ބޮޑުވެ އައިޖީއެމްއެޗަށް ގެނައި އުމުރުން 78 އަހަރުގެ ދިވެހި އަންހެނެއް ކަމަށެވެ. މި އަންހެންމީހާ ހޮސްޕިޓަލަށް ގެނައިރު ވެސް ނިޔާވެފައިވާކަމަށް އެޗްޕީއޭއިން ބުނެއެވެ.

މިހާރު އޮންނަ އުސޫލުގެ ދަށުން ހޮސްޕިޓަލަށް ގެންނަ ކޮންމެ މީހަކު ވެސް ކޮވިޑަށް ޓެސްޓްކުރާއިރު، ހުކުރު ދުވަހުގެ ރޭ 08:12 އެހާކެއްހާއިރު އައިޖީއެމްއެޗަށް ގެނައި މި މީހާ ކޮވިޑް ޖެހިފައިވޭތޯ ވަނީ ޓެސްޓްކޮށްފައެވެ. މި ޓެސްޓްގެ ނަތީޖާ ހޮނިހިރު ދުވަހު ލިބިފައިވާއިރު، ނަތީޖާ ޕޮޒިޓިވްވެފައިވާކަމަށް އެޗްޕީއޭއިން ހާމަކުރެއެވެ.

ކޮވިޑް-19ގެ ކޭސްތައް އިތުރުވަމުންދާ ދަނޑިވަޅުގައި، އުމުރުން ދުވަސްވީ މީހުން މިބަލީގައި ނިޔާވާ މިންވަރު މިވަނީ އިތުރުވާން ފަށާފައެވެ. މިއީ މިއަހަރު ފެށުނުފަހުން މިބަލީގައި ރާއްޖެއިން ނިޔާވި 10 ވަނަ މީހާއެވެ. ހާލު ބޮޑުވެ 206 މީހަކަށް މިހާރުވެސް ދަނީ އެޑްމިޓްކޮށް ފަރުވާ ދެމުންނެވެ.