ރެހެންދި އެވޯޑަށް ކުރިމަތިލުމުގެ ފުރުސަތު ހުޅުވައިލައިފި
11 ފެބުރުއަރީ 2021 | ބުރާސްފަތި 20:06މިއެވޯޑު ދިނުމުގެ މަގުސަދަކީ އަންހެނުން ކުރާ މަސައްކަތްތަކުގެ އަގުވަޒަން ކުރުން
2019 ވަަނަ އަހަރުގެ ރެހެންދި އެވޯޑް ހަފްލާގެ ތެރެއިން އެވޯޑް ލިބުނު ފަރާތަކަށް ރައީސްގެ އަނބިކަނބަލުން (ވ) އެވޯޑް ހަވާލުކޮށްދެއްވަނީ
މި އަހަރުގެ ރެހެންދި އެވޯޑަށް ކުރިމަތިލުމުގެ ފުރުސަތު ހުޅުވައިލައިފިއެވެ.
ޖެންޑަރ މިނިސްޓްރީން ބުނީ 2014 ވަނަ އަހަރުން ފެށިގެން ކޮންމެ އަހަރަކު ދެމުން އަންނަ ''ރެހެންދި އެވޯޑަށް'' ނަން ހުށަހެޅުމުގެ ފުރުސަތު މިހާރު ހުޅުވާލާފައިވާ ކަމަށެވެ.
މި އެވޯޑުގެ މަގުސަދަކީ ގައުމީ ހިދުމަތުގައި އެކިއެކި ދާއިރާއިން އަންހެނުން ކުރާ މަސައްކަތްތަކާއި، ދިވެހިރާއްޖޭގެ ގައުމީ ތަރައްގީއަށާއި މުޖުތަމައު ބިނާ ކުރުމަށް އަންހެނުން އަދާކުރާ ދައުރު އަދި މުޖުތަމައުގައި އަންހެނުންގެ ކުރިއެރުމަށް ވަކި ފަރުދުންނާއި މުއައްސަސާތަކާއި، ޖަމުއިއްޔާ ޖަމާއަތްތަކުން ކުރަމުންދާ މަސައްކަތްތަކުގެ އަގު ގައުމީ ފެންވަރުގައި ވަޒަންކުރުމެވެ.
މި އެވޯޑަށް ކުރިމަތިލާނެ ގޮތުގެ އިތުރު މަޢުލޫމާތު މިނިސްޓްރީގެވެބްސައިޓްއަދި ދިވެހި ސަރުކާރުގެގެޒެޓުގެ ލިންކްމެދުވެރިކޮށް ލިބެން ހުންނާނެއެވެ.
މި އެވޯޑަށް ނަން ހުށަހެޅުމަށް ކަނޑައަޅައިފައިވާ ސުންގަޑިއަކީ 28 ފެބްރުއަރީގެ މެންދުރު 2:00ށް ޖެންޑަރ މިނިސްޓްރީން ބުނެއެވެ.
