މިދިޔަ ދައުރުގައި ހުށަހަޅާނެކަމަށް ހާމަކުރި 13 ބިލާއެކު 33 ބިލެއް ސަރުކާރުން މަޖިލީހަށް މިދައުރުގައި ހުށަހަޅަނީ
ބިލްތަކުގެ ތެރޭގައި ސިއްހީ ދާއިރާއާއި ވިޔަފާރީގެ ދާއިރާ އަދި ދަތުރުފަތުރުގެ ދާއިރާއާއި ގުޅުންހުރި ބިލްތައް ހިމެނޭ
ރައްޔިތުންގެ މަޖިލީހުގެ ޖަލްސާގެ ތެރެއިން
ސަރުކާރުން ރައްޔިތުންގެ މަޖިލީހުގެ މިއަހަރުގެ ފުރަތަމަ ދައުރަށް ހުށަހަޅާނެކަމަށް ހާމަކޮށްފައިވާ 33 ބިލް އެޓަރނީ ޖެނެރަލް އޮފީހުން ހާމަކޮށްފިއެވެ.
މިއަހަރުގެ ފުރަތަމަ ދައުރުގައި ހުށަހަޅާނެކަމަށް ސަރުކާރުން ހާމަކޮށްފައިވާ ބިލްތަކުގެ ތެރޭގައި މިދިޔަ އަހަރުގެ ފަހު ދައުރަށް ހުށަހަޅާނެކަމަށް ހާމަކުރި 28 ބިލްގެ ތެރޭގައި ހިމެނޭ 13 ބިލެއްވެސް ހިމެނެއެވެ. ފުރަތަމަ ދައުރަށް ހުށަހަޅާނެކަމަށް ހާމަކޮށްފައިވާ ބިލްތަކުގެ ތެރޭގައި ސިއްހީ ދާއިރާއާއި ވިޔަފާރީގެ ދާއިރާ އަދި ދަތުރުފަތުރުގެ ދާއިރާއާއި ގުޅުންހުރި ބިލްތައް ހިމެނެއެވެ.
މި ބިލްތަކުގެ ތެރޭގައި ހިމެނޭ ބައެއް ބިލްތަކަކީ ސަރުކާރުގެ ރިޔާސީ ވައުދުތަކާއި، އެޖެންޑާ-19 ގެ ވައުދުތަކާއި ގުޅުންހުރި ބިލްތަކެވެ. ނަމަވެސް ބިލްތަކުގެ ތަފްސީލެއް ބަންޑާރަ ނައިބްގެ އޮފީހުން ހާމަކޮށްފައެއް ނުވެ އެވެ.
