ކ. މާލެ
|
7 ފެބްރުއަރީ 2021 | އާދީއްތަ 05:03
ދެކުނުކޮރެއާގެ ސޯލްގެ މަގުމަތީގައި މީހުން މާސްކު އަޅައިގެން ހިނގާފައިދަނީ
ދެކުނުކޮރެއާގެ ސޯލްގެ މަގުމަތީގައި މީހުން މާސްކު އަޅައިގެން ހިނގާފައިދަނީ
ރޮއިޓަރސް
ކޮވިޑް-19 ދެކުނު ކޮރެއާގެ ހާލަތު
ދެކުނު ކޮރެއާގައި ވައިރަސް ފެތުރުން ކޮންޓްރޯލް ކުރުމަށް އަޅާފައިވާ ބައެއް ފިޔަވަޅުތަކަށް ލުއިދޭން ފަށައިފި
 
ދެކުނު ކޮރެއާގައި ވައިރަސް ޖެހުނު މީހުންގެ އަދަދު 80،524ށް އަރާ
 
މިހާރު އަޅާފައިވާ ފިޔަވަޅުތައް ފެބްރުއަރީ މަހުގެ 14އާ ހަމައަށް ވަނީ ދިގުދަންމާލާފައި

ކޮވިޑް-19 ފެތުރުން ކޮންޓްރޯލްކުރުމަށް ދެކުނު ކޮރެއާގައި ހަރުކަށި ފިޔަވަޅުތަކެއް އެޅުމަށްފަހު ބައެއް ފިޔަވަޅުތަކަށް ލުއިތައްދޭން ފަށައިފިއެވެ.

އެގޮތުން ވެރިރަށް ސޯލްގެ ބޭރުގައި ހުރި ރެސްޓޯރެންޓަކާއި އެނޫންވެސް ވިޔަފާރިތައް ހުޅުވާފައި ބެހެއްޓޭނެ ވަގުތު ވަނީ އެއް ގަޑިއިރު އިތުރުކޮށްފައެވެ. އެންމެ ފަހުން ދެކުނު ކޮރެއާގައި ކޭސްތައް އިތުރުވާން ފެށުމުން ސަރުކާރުން ވަނީ އެތައް މިލިއަން ބަޔަކު ޓެސްޓްކޮށް ލޮކްޑައުންގެ ހަރުކަށި ފިޔަވަޅުތަކެއް އަޅާފައެވެ. އަދި އިޖުތިމާއީ ގައިދުރުކަން ގެންގުޅުމަށް ވަނީ އަންގާފައެވެ.

އައު ފިޔަވަޅުތަކާއެކު އެގައުމުގެ ކުދި ވިޔަފާރިތަކާއި އަމިއްލަ ވިޔަފާރިތަކަށް ވަނީ އެކަމުގެ ނޭދެވޭ އަސަރު ވަރަށް ބޮޑަށްކޮށްފައެވެ. އެހެންކަމުން ވިޔަފާރިތަކަށް ލިބެމުންދާ ގެއްލުންތަކުން އަރައިގަތުމަށް ކޮންމެސް ވަރެއްގެ ލުއިތަކެއް ދިނުމަށް ނިންމީކަމަށް އެގައުމުގެ ބޮޑު ވަޒީރު ވިދާޅުވިއެވެ.

މިހާރު އަޅާފައިވާ ފިޔަވަޅުތައް ފެބްރުއަރީ މަހުގެ 14އާ ހަމައަށް ވަނީ ދިގުދަންމާލާފައެވެ. ވަކިން ޚާއްސަކޮށް އައު އަހަރާ ދިމާކޮށް ފެބްރުއަރީ މަހުގެ 11 ވަނަ ދުވަހު ކޮރެއާގެ އެތައް މިލިއަން ބަޔަކު އެއްތާކަށް އެއްވެ އެކިކަހަލަ ހަރަކާތްތައް ބާއްވާނެތީ އެކަންކަން ނުބޭއްވުމަށް ސަރުކާރުން ވަނީ އިލްތިމާސްކޮށްފައެވެ.

ހަތަރު މީހުންނަށްވުރެ ގިނައިން އެއް ނުވުމަށާއި ގޭގައި ތިބުމަށް ސަރުކާރުން ވަނީ އިލްތިމާސްކޮށްފައެވެ.

ދެކުނު ކޮރެއާގައި ވައިރަސް ޖެހުނު މީހުންގެ އަދަދު 80،524ށް އަރާއިރު މަރުވި މީހުންގެ އަދަދު 1464ށް އަރައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ނާޒުމީ ސައީދު
0%
0%
0%
0%
0%
0%
ކޮމެންޓް