26 އެއަރލައިނަކުން މިހާރު ރާއްޖެއަށް ދަތުރުކުރޭ
9 ޖެނުއަރީ 2021 | ހޮނިހިރު 03:14ބޯޑަރު ހުޅުވާލުމާއިއެކު އެންމެ ފުރަތަމަ ރާއްޖެއަށް ދަތުރުކުރަން ފެށި އެއަރލައިނަކީ ގަތަރު އެއަރލައިން
ގަލްފް އެއަރގެ ފްލައިޓެއް ވީއައިއޭއަށް ޖައްސަނީ
ފާއިތުވި އަހަރު ނިމި، 2021 ވަނަ އަހަރުގެ ޖެނުއަރީ މަހުގެ ފުރަތަމަ ހަފްތާ ނިމުނު އިރު ރާއްޖެއަށް އިންޓަނޭޝަނަލް 26 އެއަރލައިނަކުން ދަތުރުކުރާ ކަމަށް ޓޫރިޒަމް މިނިސްޓްރީން ހާމަކޮށްފިއެވެ.
ޓޫރިޒަމް މިނިސްޓްރީން އާންމުކޮށްފައިވާ ތަފާސްހިސާބުތައް ދައްކާގޮތުން ދުނިޔޭގެ ބޮޑެތި ގިނަ އެއަރލައިންތަކަކުން މިހާރު ރާއްޖެއަށް ދަތުރުކުރެއެވެ.
އެގޮތުން ރާއްޖޭގެ ބޯޑަރު ހުޅުވާލުމާއިއެކު އެންމެ ފުރަތަމަ ރާއްޖެއަށް ދަތުރުކުރަން ފެށި އެއަރލައިނަކީ ގަތަރު އެއަރލައިނެވެ. މީގެ އިތުރުންވެސް އިންޓަނޭޝަނަލް ބޮޑެތި އެއަރލައިންތައް ކަމަށްވާ ބްރިޓިޝް އެއަރވޭސް، އެމިރޭޓްސް ފަދަ އެއަރލައިންތަކުންވެސް ރާއްޖެއަށް ގިނަ ދަތުރުތަކެއް ދަނީ ކުރަމުންނެވެ.
މީގެ އިތުރުން އައު ގިނަ މާކެޓްތަކެއް ރާއްޖޭގެ ފަތުރުވެރިކަމަށް ތައާރަފްވެގެން ގޮސްފައިވާ އިރު، ރަޝިއާގެ ބޮޑެތި އެއަރލައިންތައް ކަމަށްވާ އެއޮރޮފްލޯޓް ފަދަ އެއަރލައިންތަކުން ވެސް ރާއްޖެއަށް ދަތުރު ކުރެއެވެ.
މިހާރު ރާއްޖެއަށް ދަތުރުކުރާ ގިނަ އެއަރލައިން ތަކެއްގެ ޑިމާންޑް އިތުރުވުމާއިއެކު އެއަރލައިންތަކުން ރާއްޖެއަށް ކުރާ ދަތުރުތައް ވަނީ އިތުރުކޮށްފައެވެ.
