އެމެރިކާއިން ޗައިނާގެ ހަތް އެޕެއް ބޭނުން ކުރުން މަނާ ކޮށްފި
އެމެރިކާގެ ރައީސް ޓްރަމްޕް އަންނަނީ ރައީސްކަމުގެ ފަހު ދުވަސްތަކުގައި ޗައިނާއާއިއެކު ހަދައިފައިވާ ބައެއް އެއްބަސްވުންތައް ނިމުމަކަށް ގެންނަމުން
އެމެރިކާގައި ހުންނަ އަލިޕޭ ކުންފުނީގެ ބޭރު
އެމެރިކާގެ ރައީސް ޑޮނާލްޑް ޓްރަމްޕް ޗައިނާގެ ހަތް އެޕެއް އެމެރިކާގައި ބޭނުން ކުރުން މަނާ ކުރައްވައިފިއެވެ.
ރައީސް ޓްރަމްޕް ބުދަ ދުވަހު ނިންމެވި މި ނިންމެވުން ތަންފީޒުވާނީ 45 ދުވަސް ފަހުންނެވެ. ރައީސް ޓްރަމްޕް، ޗައިނާގެ ހަތް އެޕެއް ބޭނުން ކުރުން މަނާ ކުރެއްވުމަށްފަހު ވިދާޅުވީ ޗައިނާގެ މި އެޕް ތަކުގެ ސަބަބުން އެމެރިކާގެ އިގްތިސާދަށް ނުރަނގަޅު އަސަރު ކުރަމުން އަންނަ ކަމަށާއި، އަދި މި އެޕްތަކުގެ ސަބަބުން ގައުމީ ސަލާމަތަށް ނުރައްކާވާ ކަމަށެވެ.
އެމެރިކާގައި ބޭނުން ކުރުން މަނާކުރި އެޕްތަކުގެ ތެރޭގައި އަލިޕޭ ކިއުކިއު ވޮލެޓް އަދި ވީޗެޓް ޕޭ ހިމެނެއެވެ.
އެމެރިކާގެ ރައީސް ޓްރަމްޕް އަންނަނީ ރައީސްކަމުގެ ފަހު ދުވަސްތަކުގައި ޗައިނާއާއިއެކު ހަދައިފައިވާ ބައެއް އެއްބަސްވުންތައް ވެސް ނިމުމަކަށް ގެންނަމުންނެވެ. އަދި އެމެރިކާގައި ހުންނަ ޗައިނާގެ ބައެއް ވިޔަފާރި ކުންފުނިތަކަށް ނުސީދާކޮށް ފިޔަވަޅު އަޅަމުން ގެންދާ ކަމަށްވެސް ރިޕޯޓްތައް ބުނެއެވެ.
މީގެ އިތުރުން އެމެރިކާއިން ވަނީ ޗައިނާގެ މަޝްހޫރު ދެ ކުންފުންޏެއް ކަމަށްވާ ޓިކް ޓޮކް އަދި ވާވޭގެ ކޮރަޕްޝަނުގެ އަމަލުތައް ފަޅާ އަރުވާލައިފައެވެ.
