ލޯރީ ލޯފްލިން ޖަލުން ދޫކޮށްލައިފި
29 ޑިސެމްބަރު 2020 | އަންގާރަ 13:06އޮކްޓޫބަރު މަހުގެ 30 ވަނަ ދުވަހު ލޯރީ ޖަލަށް ލާފައިވަނީ ޔޫއެސްސީ ޔުނިވަރސިޓީއަށް ރިޝްވަތު ދީފައިވާ މައްސަލައިގަ
ލޯރީ ލޯފްލިން
ކެލިފޯނިއާގެ ފެޑެރަލް ޖަލުން މަޝްހޫރު ޓީވީ ޝޯވ، 'ފުލް ހައުސް'ގެ ތަރި ލޯރީ ލޯފްލިން ޖަލުގައި ހޭދަން ކުރަން ހުކުމް ކުރި މުއްދަތު ހަމަވުމާއި ގުޅިގެން އޭނާ ދޫކޮށްލާފައިވާކަމަށް ބިއުރޯ އޮފް ޕްރިޒަންސް ގެ ތަރުޖަމާނު ވިދާޅުވެއްޖެއެވެ.
އޮކްޓޫބަރު މަހުގެ 30 ވަނަ ދުވަހު ލޯރީ ޖަލަށް ލާފައިވަނީ ޔޫއެސްސީ ޔުނިވަރސިޓީއަށް ރިޝްވަތު ދީފައިވާ މައްސަލައިގައެވެ.
އެގޮތުން އެ ކޮލެޖުން އޭނާގެ ދެ އަންހެން ދަރިންނަށް އެތްލީޓުންގެ ގޮތުގައި ފުރުސަތު ދިނުމަށްއެދި މަޝްހޫރު ފެޝަންޑިޒައިނަރ އަދި ލޯރީގެ ފިރިމީހާ ވަނީ ބައި މިލިއަން ޑޮލަރު ޔޫއެސްސީއަށް ރިޝްވަތުގެ ގޮތުގައި ދީފައެވެ.
މި މައްސަލަ ފެންމަތިވެ ލޯރީ ކޯޓަށް ގެންދިއުމުން އެންމެ ފުރަތަމަ އޭނާ ވަނީ އެ ކުށަށް އިންކާރުކޮށްފައެވެ. ނަމަވެސް އޭގެ ފަހުން އޭނާވަނީ ރިޝްވަތު ދިންކަމަށް އެއްބަސްވެ އެކަމަށް އެންމެހާ ފަރާތްތަކުގެ ކިބައިން ނިހާޔަތަށް މައާފަށް އެދޭކަމަށް ބުނެފައެވެ.
އަދި ރިޝްވަތު ދީފައިވަނީ ދަރިންދެކެ ލޯބި ވާތީ ކަމަށާއި މިހާރު އެކަމާ ހިތާމަ ކުރާކަމަށްވެސް ލޯރީ ވަނީ ބުނެފައެވެ.
މި މައްސަލައިގައި ހައްޔަރުކޮށްފައިވާ އޭނާގެ ފިރިމީހާއަށް އައިސްފައިވަނީ ފަސް މަސް ދުވަހުގެ ހުކުމެކެވެ. އޭނާ ޖަލުން ދޫކޮށްލުމަށް ހަމަޖެހިފައިވަނީ 2021 ވަނަ އަހަރުގެ އޭޕްރިލް މަހުގައެވެ.
