މިއަދު ޕޮޒިޓިވްވީ 25 މީހުން
25 ޑިސެމްބަރު 2020 | ހުކުރު 18:02އަތޮޅުތެރެއިން ޕޮޒިޓިވްވީ 4 މީހުން
ކޮވިޑް-19ށް ސާމްޕަލް ނެގުމުގެ މަސައްކަތް ކުރަނީ
ހުކުރު ދުވަހު ކޮވިޑަށް ޕޮޒިޓިވްވީ 25 މީހުން ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފިއެވެ.
އެޗްޕީއޭއިން އާންމުކޮށްފައިވާ މައުލޫމާތަށް ބަލާ އިރު، ބުރާސްފަތި ދުވަހުގެ އިރުއޮއްސި 6:00ން ހުކުރު ދުވަހުގެ އިރުއޮއްސި 6:00އާ ހަމައަށް 25 މީހަކު ޕޮޒިޓިވްވެފައިވަ އިރު، މީގެ ތެރެއިން 21 މީހުން ޕޮޒިޓިވްވީ މާލެ ސަރަހައްދުންނެވެ. އަދި 4 މީހަކު ޕޮޒިޓިވްވީ އަތޮޅު ތެރެއިންނެވެ. ހުކުރު ދުވަހު ޕޮޒިޓިވްވި 25 މީހުންނާއެކު ރާއްޖޭގައި ޕޮޒިޓިވްވި މީހުންގެ އަދަދު ވަނީ 13583ށް އަރާފައެވެ.
ރާއްޖޭހެ ރިކަވަރީ ރޭޓް 95 އިންސައްތައަށް އަރާފައިވާ އިރު، ބަލިން ރަނގަޅުވި މީހުންގެ އަދަދު އުޅެނީ 13026 ގައެވެ. ވޭތުވެދިޔަ 24 ގަޑި އިރު ބަލިން ރަނގަޅުވީ 15 މީހުންނެވެ. އެކްޓިވް ކޭސްގެ އަދަދަކީ 502 އެވެ. އަދި މީގެ ތެރެއިން 37 މީހަކަށް އަންނަނީ ހޮސްޕިޓަލުގައި އެޑްމިޓްކޮށްގެން ފަރުވާދެމުންނެވެ. މި ބަލީގައި 48 މީހަކު މިހާތަނަށް ވަނީ ނިޔާވެފައެވެ.
ވޭތުވެދިޔަ 24 ގަޑި އިރު އިރު އެޗްޕީއޭއިން ވަނީ 2183 ސާމްޕަލް ނަގާ ޓެސްޓް ކޮށްފައެވެ. މިއާއެކު ރާއްޖޭގައި ނެގުނު ސާމްޕަލްގެ ޖުމްލަ އަދަދު ވަނީ 301،481ށް އަރާފައެވެ.
