ގަމުން ގޯއްޗަށް އެދި ހުށަހެޅި ފަރާތްތަކަށް ޕޮއިންޓް ލިބިފައިވާ ގޮތުގެ ފައިނަލް ލިސްޓް އާންމުކޮށްފި
17 ޑިސެމްބަރު 2020 | ބުރާސްފަތި 16:2965 އިން ފެށިގެން މަތިން ޕޮއިންޓް ލިބިފައިވާ 391 ފަރާތަށް ގޯތި ލިބޭނެ
ލ. ގަން، ގިނަ ބަޔަކު ގޯއްޗަށް އެދިހުށަހަޅާފައިވާ ކަމަށް ކައުންސިލުން ބުނޭ
ލ.ގަމުން ގޯއްޗަށް އެދި ހުށަހެޅި ފަރާތްތަކަށް ޕޮއިންޓް ލިބިފައިވާ ގޮތުގެ ފައިނަލް ލިސްޓް އާންމުކޮށްފިއެވެ.
ގަމު ކައުންސިލުން ބުނީ ދިރިއުޅުމަށް 400 ބަންޑާރަ ގޯތި ދޫކުރުމަށް، ކުރި އިއުލާނާ ގުޅިގެން ގޯއްޗަށް އެދި ހުށަހެޅި ފަރާތްތަކަށް ޕޮއިންޓް ލިބިފައިވާ ގޮތުގެ ފައިނަލް ލިސްޓް އާންމުކޮށްފައިވާ ކަމަށެވެ.
ކައުންސިލުން ބުނީ އެ ލިސްޓްގައިވާ ފަރާތްތަކުގެ ތެރެއިން 65 އިން ފެށިގެން މަތިން ޕޮއިންޓް ލިބިފައިވާ 391 ފަރާތަށް ގޯތި ލިބޭނެ ކަމަށާއި، ބާކީ އޮތް 9 ގޯތި ލިބޭ ފަރާތްތަކާއި، ރިޒާވް ލިސްޓް ތަރުތީބު ކުރާނީ 64 ޕޮއިންޓް ލިބިފައިވާ ފަރާތްތަކުގެ މެދުގައި ނެގޭ ގުރުއަތަކުން ކަމަށެވެ.
ކައުންސިލުން ބުނީ މިގުރު ނެގުން 22 ޑިސެންބަރު 2020 ވާ އަންގާރަ ދުވަހުގެ ހެނދުނު 10:00 ގައި އެއިދާރާގެ ގޯތިތެރޭގައި އޮންނާނެ ކަމަށެވެ. އަދި ގޯތި ލިބުނުކަން ނުވަތަ ރިޒާވު ލިސްޓަށް ނެގިފައިވާކަން އަންގައިދޭ ލިޔުން ހަމަ އެ ދުވަހުގެ 12:00އިން ފެށިގެން ކައުންސިލްގެ ކައުންޓަރުން ދޫކުރަމުން ގެންދާނެއެވެ.
މީގެ އިތުރުން ކައުންސިލުން ބުނީ ގޯތި ލިބޭފަރާތްތަކަށް، ލިބޭ ގޯތި ކަނޑައެޅުމަށްޓަކައި ބާއްވައި ގުރުނެގުން 29 ޑިސެންބަރު 2020ވާ އަންގާރަ ދުވަހު އެއިދާރާގައި އޮންނާނެ ކަމަށެވެ. އެ ގުރު ނެގުންމަށް ހަމަޖެހިފައިވާ ގަޑި ގޯތި ލިބުނުކަން އަންގައިދޭ ފަރާތްތަކަށް ދޫކުރާ ލިޔުމުން އެނގެން އޮންނާނެ ކަމަށް ކައުންސިލުން ބުނެއެވެ.
ކައުންސިލުން ބުނީ ލިސްޓު އާންމު ކުރިނަމަވެސް، އެންމެ ފަހު މަރުހަލާއާ ހަމައަށްވެސް ލިސްޓްގައިވާ ފަރާތަކަށް ލިބޭ ޕޮއިންޓަށް ބަދަލު އަންނަ ފަދަ މައްސަލައެއް ފާހަގަ ކުރެވިއްޖެނަމަ، އެ ބަދަލެއް ލިސްޓަށް ގެނެވޭނެ ކަމަށެވެ.
