ފުލުހުން މީހަކު ހޯދުމަށް އިއުލާން ކޮށްފި
26 އެޕްރީލު 2017 | ބުދަ 14:30މިމީހާ ހޯދަނީ މަސްތުވާތަކެތީގެ މައްސަލައެއްގައި
މ. ދާރުލްޤަރާރު، އިސްމާޢީލް ރަޝީދު ޝާވިން (29 އ) --
ޑްރަގް އެންފޯސްމަންޓް ޑިޕާޓްމަންޓުން ތަހުގީގު ކުރަމުންދާ މަސްތުވާތަކެތީގެ މައްސަލައަކާއި ގުޅިގެން މީހަކު ހޯދުމަށް ފުލުހުން އިއުލާން ކޮށްފިއެވެ.
ފުލުހުން ބުނީ މި މައްސަލައާއި ގުޅިގެން ހޯދަމުންދަނީ މ. ދާރުލްގަރާރު، އިސްމާއީލް ރަޝީދު ޝާވިން (29 އ) ކަމަށެވެ.
ފުލުހުން ބުނީ އިސްމާޢީލް ރަޝީދު ޝާވިންއާބެހޭ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން ނަމްބަރު 3322111 އަށް ނުވަތަ ޑްރަގް އެންފޯސްމަންޓް ޑިޕާޓްމަންޓްގެ ޑިއުޓީ ނަމްބަރު 9660126 އަށް ގުޅުއްވައި ހިއްސާކުރެއްވުން އެދޭ ކަމަށެވެ.
ފުލުހުން އިސްމާއީލް ރަޝީދު ޝާވިން ހޯދުމަށް އިއުލާން ކޮށްފައިވާއިރު، މީގެ ހަފްތާއެއްކުރިން ފުލުހުން ވަނީ މަސްތުވާތަކެތީގެ ހާއްސަ އޮޕަރޭޝަނެއްގައި 1.3 ކިލޯ ގްރާމްގެ މަސްތުވާތަކެތި އަތުލާ، 43 އަހަރުގެ ދިވެއްސަކާއި 26 އަހަރުގެ ބިދޭސީއެއް ހައްޔަރުކޮށްފަ އެވެ.
ފުލުހުން ބުނީ އަތުލައިގަނެވުނު މަސްތުވާތަކެތީގެ އަގު ހަ މިލިއަނަށް އަރާނެ ކަމަށެވެ.
