ބީއެމްއެލްގެ އެއަރޕޯޓު އަދި ބާޒާރު ބްރާންޗް ބަންދު ކުރުމަށް ނިންމައިފި
އެއަރޕޯޓު ބްރާންޗް ބަންދު ކުރުމަށް ނިންމާފައިވަނީ މިމަހުގެ 22 ގައި
ބީއެމްއެލްގެ ބާޒާރު ބްރާންޗް،
ބެންކް އޮފް މޯލްޑިވްސް (ބީއެމްއެލް) އިން އެއަރޕޯޓު އަދި ބާޒާރު ބްރާންޗް ބަންދު ކުރުމަށް ނިންމައިފިއެވެ.
ބީއެމްއެލްއިން ބުނީ އެއަރޕޯޓު ބްރާންޗް ބަންދު ކުރުމަށް ނިންމާފައިވަނީ މިމަހުގެ 22 ވާ އަންގާރަ ދުވަހު ކަމަށެވެ.
ބީއެމްއެލްއިން ބުނީ އެއަރޕޯޓު ބްރާންޗް ބަންދު ކުރި ނަމަވެސް އެއަރޕޯޓުގެ އޭޓީއެމްގެ ޚިދުމަތް އަދި ޑިޕަރޗަރ އަދި އެރައިވަލް ޓަރަމިނަލްތަކުގައިވާ ފޮރިން އެޗްސްޗޭންޖް ކައުންޓަރުތަކުގެ ޚިދުމަތް ލިބޭނެ ކަމަށެވެ. އަދި ބޭރަށް ދަތުރުކުރާ ދިވެހިންނަށް ޑޮލަރު ދޫކުރާ ކައުންޓަރުގެ ޚިދުމަތް ވެސް ލިބޭނެ ކަމަށެވެ.
މީގެ އިތުރުން ބީއެމްއެލުން ބުނީ ކޮވިޑް-19އާ ގުޅިގެން މާޗު މަހު ބާޒާރު ބްރާންޗް ބަންދު ކުރި ގޮތަށް މިހާރު އެއްކޮށް ބަންދު ކުރުމަށް ނިންމީ ކަމަށެވެ. ނަމަވެސް އެބޭންކް ހުރި އޭޓީއެމްއިން ޚިދުމަތް އަދިވެސް ލިބޭނެ ކަމަށް ބީއެމްއެލުން ބުނެއެވެ.
