އުކުޅަހުން ތިންވަނަ ފަތުރުވެރިޔަކު ޕޮޒިޓިވްވެއްޖެ
8 ޑިސެމްބަރު 2020 | އަންގާރަ 10:13މިއީ އުކުޅަހުން ޕޮޒިޓިވްވީ ތިންވަނަ ފަތުރުވެރިޔާ
އއ. އުކުޅަސް: ތިންވަނަ ފަތުރުވެރިޔަކުވަނީ ކޮވިޑަށް ޕޮޒިޓިވްވެފައި
އއ. އުކުޅަހުން އިތުރު ފަތުރުވެރިޔަކު ކޮވިޑް-19 އަށް ޕޮޒިޓިވް ވެއްޖެއެވެ.
އުކުޅަހުން ކޮވިޑް-19 އަށް ޕޮޒިވިޓް ވެފައިވަނީ، އެރަށު ގެސްޓްހައުސްގައި ޗުއްޓީ ހޭދަކުރަމުން ދިޔަ ފަތުރުވެރިޔަކު ކަމަށް އުކުޅަހުގެ ހެލްތް ސެންޓަރުން މައުލޫމާތު ދެއެވެ. މިއީ އެ ރަށުން ކޮވިޑަށް ޕޮޒިޓިވްވި ތިންވަނަ ފަތުރުވެރިޔާއެވެ.
އެ އެފަތުރުވެރިޔާ ޕޮޒިޓިވްވުމާގުޅިގެން ކޮންޓެކްޓް ޓްރޭސިންގެ މަސައްކަތާއި ޓެސްޓް ކުރުމުގެ އިތުރުން ކަރަންޓީން ކުރަންޖެހޭ މީހުން ކަރަންޓީން ކުރުމުގެ މަސައްކަތް ހެލްތް ސެންޓަރާއި ރަށު ކައުންސިލް އަދި ކޮވިޑް-19 ޓާސްކްފޯސް ކޮމިޓީން ގުޅިގެން ކުރިއަށްދާކަމަށް ވެސް އެރަށުން މައުލޫމާތު ލިބިފައިވެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ގެސްޓްހައުސް ހިންގުމުގެ ހުއްދަ ދީފައިވަނީ ރައްކާތެރިކަމުގެ ގޮތުން އަޅަންޖެހޭ ފިޔަވަޅުތައް އަޅާފައިވާތޯ ބެލުމަށްފަހުއެވެ. އެގޮތުން ގެސްޓްހައުސް ހިންގާ ރަށްރަށުގައި މާސްކު އެޅުމަށާއި ޕޮޒިޓިވްވާ ފަރާތްތައް އެކަހެރިކުރެވޭނެ ހާއްސަ ފެސިލިޓީއެއް ހުންނަން މަޖުބޫރެވެ.
