ކ. މާލެ
|
26 އޭޕްރިލް 2017 | ބުދަ 07:30
މާޒިޔާގެ ކޯޗު ސެކުލޮވްސްކީ
މާޒިޔާގެ ކޯޗު ސެކުލޮވްސްކީ
ރާއްޖެއެމްވީ
މާލޭ ލީގު
މިއީ ވަރަށް މުހިންމު މޮޅެއް، ކުޅުންތެރިންނަށް ޝުކުރިއްޔާ: ސެކުލޮވްސްކީ
 
މާޒިޔާ ވަނީ ކުޅުނު ހަތަރު މެޗުންވެސް މޮޅުވެފައި

ވިކްޓްރީ ސްޕޯޓްސް ކްލަބް އަތުން މާޒިޔާ ސްޕޯޓްސް އެންޑް ރެކްރިއޭޝަނަށް ލިބުނީ ވަރަށް މުހިންމު މޮޅެއް ކަމަށާއި، ހުރިހާ ޝުކުރެއްވެސް އަދާ ކުރަން ބޭނުންވަނީ ޓީމުގެ ކުޅުންތެރިންނަށް ކަމަށް މާޒިޔާގެ ކޯޗު ސެކުލޮވްސްކީ ބުނެފިއެވެ.

މެޗަށްފަހު ނޫސްވެރިންނަށް މައުލޫމާތު ދެމުން ސެކުލޮވްސްކީ ބުނީ މުޅި މެޗުގައިވެސް ކުޅުންތެރިން ރަނގަޅު ކުޅުމެއް ދައްކާފައިވާ ކަމަށާއި، އެ ކުޅުންތެރިން ދެއްކި ކުޅުމާ މެދު ވަރަށް ހިތްހަމަޖެހިފައި ހުރި ކަމަށެވެ.

އެގޮތުން އޭނާ ބުނީ މާލޭ ލީގުގައި ހަފްތާއަކު ދެ މެޗު ކުޅޭ ހަމައެކަނި ޓީމަކީ މާޒިޔާ ކަމަށާއި، އެހެން ޓީމުތައް މެޗެއް ކުޅެން ޖެހެނީ 10 ދުވަސް ނުވަތަ 12 ދުވަސް ތެރޭގައި އެއް މެޗު ކަމަށެވެ. މީގެއިތުރުން އޭނާ ބުނީ ހަފްތާއަކު ކުޅޭ ދެ މެޗުގެ ތެރެއިން އެއް މެޗަކީ އޭއެފްސީކަޕް މެޗަކަށްވުމުން ދަތިތަކެއްވެސް ކުރިމަތިވާ ކަމަށެވެ.

ފުރަތަމަ ހާފް އަދި ދެވަނަ ހާފްގައި ޓީމު ދެއްކި ކުޅުމަށް ބަލަން ބޭނުންނުވާ ކަމަށް ފާހަގަކުރަމުން ސެކުލޮވްސްކީ ބުނީ މެޗު ނިމުނު އިރު 0-1 ގެ ނަތީޖާއަކުން ލީޑުގައި އޮވެ މެޗު ކާމިޔާބުކުރީ މާޒިޔާ ކަމަށާއި، އެކަމާ އުފާވާ ކަމަށެވެ.

ސެކުލޮވްސްކީ ބުނީ މެޗަށް ޓީމު ނިކުތީ ކަލްކަތާއިން ފުރައިގެން އައިސް ރަނގަޅު ރެސްޓެއް ނުލިބި ކަމަށާއި، ރާއްޖެއަށް ދަތުރުކުރުމުގައިވެސް އުނދަގޫތަކާ ކުރިމަތިވި ކަމަށެވެ. އެހެންނަމަވެސް ޓީމުގެ ކުޅުންތެރިން މެޗުގައި ދެއްކީ މޮޅު ކުޅުމެއް ކަމަށެވެ.

މާޒިޔާ ލީގުގައި ހަތަރު މެޗު ކުޅެފައިވާއިރު، އެ ހަތަރު މެޗުންވެސް އެޓީމު ވަނީ މޮޅުވެފައެވެ. މާޒިޔާ ވިކްޓްރީއާ ދެކޮޅަށް ނިކުތީ އިންޑިއާގެ ކަލްކަތާގައި މޯހަން ބާގަން ބަލިކުރުމަށްފަހު އެނބުރި އައިސް ދެ ދުވަހެއްގެ ފަރިތަކުރުމަށްފަހުއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް