އައު އަހަރާ ދިމާކޮށް މިމަހުގެ 31 ވާ ބުރާސްފަތި ދުވަސް ބޭންކިންގެ ޚިދުމަތް ބަންދުވާނެ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނެފިއެވެ.
އެމްއެމްއޭއިން ބުނީ 2020 ވަނަ އަހަރު އެއޮތޯރިޓީއިން ބޭންކިންގ ޚިދުމަތްތައް ދިނުމަށް ހަމަޖެހިފައިވާ އެންމެފަހު ދުވަހަކީ 30 ޑިސެންބަރު 2020 ވާ ބުދަ ދުވަސް ކަމަށެވެ. އަދި 31 ޑިސެންބަރު 2020 ވާ ބުރާސްފަތި ދުވަހަކީ އެއޮތޯރިޓީގެ ބޭންކިންގ ޚިދުމަތްތައް ބަންދު ދުވަހެއްކަމުގައި ހަމަޖައްސާފައިވާ ކަމަށް އެމްއެމްއޭއިން ބުންޏެވެ.
31 ވާ ބުރާސްފަތި ދުވަހު އެމްއެމްއޭގެ ބޭންކިންގ ޚިދުމަތްތައް ބަންދުވި ނަމަވެސް އެދުވަސް އެއީ ސަރުކާރު ބަންދު ދުވަހެއްގެ ގޮތުގައި އަދި ކަނޑައަޅާފައެއް ނުވެއެވެ. 1 ޖެނުއަރީ 2021 ވަނީ ހުކުރު ދުވަހަކަށެވެ.
